लोकमत न्यूज नेटवर्क
कोल्हापूर : विद्यार्थ्यांच्या जीवनात शिक्षकच खऱ्या अर्थाने मार्गदर्शक असून, त्यांनी संस्कारक्षम पिढी घडविण्यासाठी प्रयत्नशील राहावे, असे आवाहन सांगरुळ शिक्षण संस्थेचे अध्यक्ष यशवंत खाडे यांनी केले.
कोपार्डे (ता. करवीर) येथील स. ब. खाडे महाविद्यालयात शिक्षक दिनानिमित्त रविवारी आयोजित कार्यक्रमात ते बोलत होते.
अध्यक्ष खाडे यांच्या हस्ते डॉ. सर्वपल्ली राधाकृष्णन यांच्या प्रतिमेचे पूजन करण्यात आले. प्रास्ताविक सांस्कृतिक विभागप्रमुख प्रा. एस. पी. चौगले यांनी केले. प्रा. डी. बी. माने यांनी आभार मानले. यावेळी प्रभारी प्राचार्य व्ही. एम. सूर्यवंशी, प्राध्यापक, शिक्षकेतर कर्मचारी उपस्थित होते.
फोटो ओळी : कोपार्डे (ता. करवीर) येथील स. ब. खाडे महाविद्यालयात रविवारी शिक्षक दिनानिमित्त डॉ. सर्वपल्ली राधाकृष्णन यांच्या प्रतिमेचे पूजन सांगरुळ शिक्षण संस्थेचे अध्यक्ष यशवंत खाडे यांनी केले. यावेळी व्ही. एम. सूर्यवंशी, बाबासाहेब खाडे, प्रा. एस. पी. चौगले, प्रा. डी. बी. माने, डॉ. अभिजीत वणिरे आदी उपस्थित होते. (फोटो-०५०९२०२१-कोल-खाडे महाविद्यालय)