कोरोना रुग्णांवर वेळेत उपचार करून त्यांचे प्राण वाचावेत, यासाठी सामाजिक बांधिलकीच्या माध्यमातून सेंट झेवियर्सचे माजी विद्यार्थी आमदार ऋतुराज पाटील आणि त्यांच्या मित्र परिवाराने एकत्रित येत ऑक्सिजन कॉन्सन्ट्रेटर मशीन उपलब्ध करून देण्याचा निर्णय घेतला. त्यानंतर २००५, २००६ आणि २००९ या बॅचच्या विद्यार्थ्यांनी सुमारे साडेआठ लाख रुपये जमा केले. त्यातून नवीन अठरा ऑक्सिजन कॉन्सन्ट्रेटर विकत घेतले. माजी विद्यार्थ्यांनी हे कॉन्सन्ट्रेटर पालकमंत्री सतेज पाटील यांच्याकडे सेंट झेवियर्स हायस्कूलचे फादर प्रिन्सिपल जेम्स थोरात, सुपेरिअर फादर डेनिस बोर्जेस यांच्या प्रमुख उपस्थितीत सुपूर्द केले. नैसर्गिक अडचणीच्याप्रसंगी सेंट झेवियर्सच्या आजी -माजी विद्यार्थ्यांकडून नेहमीच मदतीचा हातभार लावला जातो. त्यांच्या या सामाजिक बांधिलकीचा अभिमान वाटतो, असे फादर थोरात यांनी सांगितले. यावेळी रुझारीयो गोन्साल्विस, विल्सन डिसूझा, राजेंद्र कांडगावकर, राजेश चव्हाण, हर्षवर्धन पाटील, रोहित शिंदे, सत्यव्रत जामसांडेकर, आसिफ मुल्ला, रोहित शिकलगार, आदित्य नाईक, नीलेश सातवेकर, प्रणव वाणी, शिवा जाधव, रोहित नलवडे, वैभव सातवेकर, गौरव पाटील, आकाश परदेशी, आदी उपस्थित होते.
चौकट
यापुढेही मदत करू
कठीण प्रसंगी लोकांना मदत करण्याच्या सामाजिक बांधिलकीतून आम्ही सर्व मित्रांनी एकत्रित येत, ऑक्सिजन कॉन्सन्ट्रेटर उपलब्ध करून देण्याचा निर्णय घेतला. यापुढेही ज्या गोष्टींची गरज भासेल त्याची उपलब्धता करून मदत देण्यासाठी प्रयत्न करू, अशी ग्वाही आमदार ऋतुराज पाटील यांनी दिली.
फोटो (२४०५२०२१-कोल-माजी विद्यार्थी मदत) : कोल्हापुरातील सेंट झेवियर्स हायस्कूलच्या माजी विद्यार्थ्यांनी १८ ऑक्सिजन कॉन्सन्ट्रेटर पालकमंत्री सतेज पाटील यांच्याकडे सुपूर्द केले. यावेळी आमदार ऋतुराज पाटील यांच्यासह शिक्षक, माजी विद्यार्थी उपस्थित होते.
===Photopath===
240521\24kol_14_24052021_5.jpg
===Caption===
फोटो (२४०५२०२१-कोल-माजी विद्यार्थी मदत) : कोल्हापुरातील सेंट झेवियर्स हायस्कूलच्या माजी विद्यार्थ्यांनी १८ ऑक्सिजन कॉन्सन्ट्रेटर पालकमंत्री सतेज पाटील यांच्याकडे सुपूर्द केले. यावेळी आमदार ऋतुराज पाटील यांच्यासह शिक्षक, माजी विद्यार्थी उपस्थित होते.