गडहिंग्लज : येथील पी. सी. पाटील गुरुजी प्राथमिक शिक्षक पतसंस्थेच्या अध्यक्षपदी सूर्यकांत अप्पासाहेब चौगुले यांची तर उपाध्यक्षपदी संदीप ज्ञानदेव कदम यांची निवड करण्यात आली. अध्यक्षस्थानी एन. ए. माने होते. अध्यक्ष व उपाध्यक्ष यांची नावे संभाजी पाटील व बाळासाहेब वालीकर यांनी सूचविले. त्यास भरमू कांबळे व अनिल बागडी यांनी अनुमोदन दिले.
यावेळी नंदकुमार वार्इंगडे, विनायक पोवार, मधुकर येसणे, संभाजी जाधव, शंकर साळोखे, डी. एस. खामकर, दिलीप पाटील आदी उपस्थित होते.
* सूर्यकांत चौगुले : १५०६२०२१-गड-०२
* संदीप कदम : १५०६२०२१-गड-०३
-----------------------
२) रासाई ग्रुपतर्फे धान्य वाटप
गडहिंग्लज : शहरातील रासाई ग्रुपतर्फे प्रभागातील गरीब व गरजू कुटुंबांना मोफत धान्य किट देण्यात आले. यावेळी ग्रुपचे जिल्हाध्यक्ष विनोद लाखे, उपनगराध्यक्ष महेश कोरी, संदीप पाटील, सूरज गवळी, शितल दावणे, शुभम चव्हाण, संजय चिलमी, अशोक लाखे, शिवा गवळी, शरद पाटील, संदीप पाटील, अभय पाटील आदींसह ग्रुपचे कार्यकर्ते उपस्थित होते.
------------------------
३) 'शिवराज'तर्फे कोरोनामुक्त गाव अभियान
गडहिंग्लज : येथील शिवराज महाविद्यालयाच्या राष्ट्रीय सेवा योजना विभागाने दत्तक गाव योजनेतंर्गत ऐनापूर, कडगाव, भडगाव, अत्याळ, वडरगे, चन्नेकुप्पी, नीलजी व दुंडगे या गावात 'माझे गाव कोरोनामुक्त गाव' हे अभियानाचा प्रारंभ झाला. संस्थाध्यक्ष किसनराव कुराडे यांच्याहस्ते अभियानाचा प्रारंभ झाला.
यावेळी प्राचार्य एस. एम. कदम, सचिव अनिल कुराडे, दिग्विजय कुराडे, सरपंच उषा मांगले, उपसरपंच ईश्वर देसाई, ग्रामसेविका सोनल पाटील यांच्यासह ग्रा. पं. सदस्य उपस्थित होते.