काेल्हापूर : राज्याचे माजी कृषीराज्यमंत्री स्वर्गीय श्रीपतराव बोंद्रे (दादा) यांच्या जन्मशताब्दी वर्ष सांगता समारंभ सोमवारी (दि. २८) सकाळी दहा वाजता होत आहे. यावेळी ‘आठवणीतील दादा’ या गौरव ग्रंथाचे प्रकाशनही करण्यात येणार असल्याची माहिती शहाजी छत्रपती महाविद्यालयाचे प्राचार्य डॉ. आर. के. शानेदिवाण यांनी पत्रकातून दिली.
शाहू छत्रपती शिक्षण संस्थेचे पदसिद्ध अध्यक्ष शाहू छत्रपती यांच्या प्रमुख उपस्थित सोमवारी संस्थेच्या यशवंतराव चव्हाण सभागृहात कार्यक्रम होत आहे. स्वर्गीय श्रीपतराव बोंद्रे यांच्या सहकारी कार्यकर्त्यांचा सत्कार काँग्रेसचे प्रदेश उपाध्यक्ष, आमदार पी. एन. पाटील यांच्या हस्ते व ‘आठवणीतील दादा’ या गौरवग्रंथाचे प्रकाशन खासदार प्रा. संजय मंडलिक यांच्या हस्ते प्रकाशन होत आहे. संस्थेचे चेअरमन मानसिंग बोंद्रे व मानद सचिव विजयराव बोंद्रे आदींची उपस्थितीत कार्यक्रम होत असल्याची माहिती डॉ. शानेदिवाण यांनी दिली.
- राजाराम लोंढे