पुन्हा वाजली ‘आप्पां’ची शिट्टी

राजाराम कारखाना निवडणूक : महाडिक यांच्या पॅनेलला सर्वच जागा

कसबा बावडा : आरोप-प्रत्यारोपांनी गाजलेल्या व संपूर्ण जिल्ह्याचे लक्ष लागून राहिलेल्या कसबा बावड्यातील राजाराम साखर कारखान्याच्या निवडणुकीत आमदार महादेवराव महाडिक यांच्या राजर्षी शाहू पॅनेलने सर्व १९ जागा १०२ ते ३०२ अशा मताधिक्क्याने जिंकल्या. रमणमळा येथील बहुउद्देशीय सभागृहात सोमवारी मतमोजणी झाली. सायंकाळी निकाल जाहीर झाल्यानंतर विजयी उमेदवारांच्या समर्थकांनी गुलालाची उधळण करीत जल्लोष केला. आमदार महादेवराव महाडिक यांनी पाचव्यांदा कारखान्याची सत्ता काबीज करीत पुन्हा एकदा ‘शिट्टी’ वाजविली.कारखान्याच्या रविवारी झालेल्या निवडणुकीत सरासरी ९० टक्के मतदान झाले होते. १२ हजार ६२४ सभासदांपैकी ११ हजार ३९५ सभासदांनी मतदानाचा हक्क बजावला होता. सत्ताधारी राजर्षी शाहू पॅनेल आणि विरोधी राजर्षी शाहू ‘परिवर्तन’ पॅनेलचे मिळून ३८ जण रिंगणात होते. नव्या संचालक मंडळात १२ नव्या चेहऱ्यांचा समावेश आहे. पॅनेलप्रमुख आमदार महादेवराव महाडिक यांना संस्था गटात १२७ पैकी ९२ मते मिळाली. आमदार महाडिक यांच्या सत्ताधारी पॅनेलच्या विरोधात माजी आमदार सतेज पाटील, विनय कोरे यांनी राजर्षी शाहू परिवर्तन पॅनेल उभे केले होते. मात्र, त्यांचा निसटता पराभव झाला. सकाळी आठ वाजता मतमोजणीस प्रारंभ झाला. (पान २ वर)(पान १ वरून) संस्था गटाची प्रथम मतमोजणी करण्यात आली. काही वेळातच या गटातून महादेवराव महाडिक विजयी झाल्याचे जाहीर करण्यात आले. याचवेळी अन्य इतर गटांच्या मतपत्रिकांची गटनिहाय विभागणी करण्यात आली. दुपारी सव्वा बाराच्या सुमारास मतपत्रिका विभागणीचे काम पूर्ण झाले. त्यानंतर सर्वसाधारण गटाच्या मतपत्रिकेसह अन्य गटांच्या मतपत्रिका मोजण्यास सुरुवात झाली.यामध्ये १०० ते १५० मतांची आघाडी सत्तारूढ गटाला मिळाली. त्यामुळे दोन्ही गटांच्या उमेदवारांची तसेच कार्यकर्त्यांची उत्सुकता वाढून राहिली. सायंकाळी सात वाजता सर्व निकाल घोषित करण्यात आले. विजयी व पराभूत उमेदवारांत १०२ ते ३०२ मतांचा फरक होता. निकालाच्या घोषणेनंतर महाडिकांच्या समर्थकांनी एकच जल्लोष केला.विजयी उमेदवार व त्यांना पडलेली मते अशी : उत्पादक सभासद गट (शाहू पॅनेल) : आनंदा तोडकर (५५३५), वसंत बनाडे (५३१९), सिद्धू नरबळ (५४९९), अमल महाडिक (५६५३), सर्जेराव माने (५४०२), यशवंत जाधव (५६६५), प्रशांत तेलवेकर (५५६१), दिलीप पाटील (५५७३), पंडित पाटील (५५०७), दिलीप उलपे (५६०१), हरीष चौगले (५५०३), कुंडलिक चरापले (५६५५), राजाराम मोरे (५४२७).संस्था सभासद गट : महादेवराव महाडिक (९२).अनुसूचित जातीजमाती : केशव कांबळे (५५६४).महिला सदस्या : कल्पना किडगांवकर (५६६३), कल्पना पाटील (५७२२).इतर मागासवर्गीय : पांडुरंग पाटील (५६३१).भटक्या विमुक्त जाती : बिरदेव तानगे (५६३०).पराभूत उमेदवार व त्यांना पडलेली मते : उत्पादक सभासद गट (शाहू परिवर्तन पॅनेल) : बाबुराव बेनाडे (५३१९), किरण भोसले (५१९८), शिवाजी किबिले (५२०१), तानाजी चव्हाण (५१०१), संभाजी पाटील (५२३३), शिवाजी चौगले (५३२२), अजित पाटील (५२३४), महादेव पाटील (५३०५), राजकुमार पाटील (५२४८), विश्वास नेजदार (५३४७), विद्यानंद जामदार (५१७२), महिपती खडके (५२५५), बापूसोा पाटील (५२०७).संस्था गट : सखाराम चव्हाण (३४).अनुसूचित जातीजमाती : बाबासोा देशमुख (५४६२).महिला सदस्या : मालिनी पाटील(५४९९), रंजना पाटील (५२६१).इतर मागासवर्गीय : विजयकुमार चौगले (५३२२).भटक्या विमुक्त : आण्णा रामाण्णा धनगर (५३८२).या निवडणुकीत माजी अध्यक्ष विश्वास नेजदार हे प्रमुख उमेदवार पराभूत झाले.निवडणूक निर्णय अधिकारी म्हणून संजय पोवार, सहायक अधिकारी डॉ. योगेश खरमाटे व धनंजय पाटील यांनी काम पाहिले. (प्रतिनिधी)या निकालाने एक नवी दिशा दिली आहे. विरोधकांनी पातळी सोडून टीका केली. मात्र, आम्ही आमची पायरी सोडली नाही. महाडिक घराण्याला संस्कृती आहे. जनता सुज्ञ आहे. त्यांना नफा-नुकसान समजते. कोल्हापूरच्या जनतेने आमच्यावर जबरदस्त प्रेम केले आहे. सलग २१ वर्षे व पाचव्यांदा ‘राजाराम’ची सत्ता देणाऱ्या जनतेस मानाचा मुजरा करतो.- आ. महादेवराव महाडिक( सत्तारूढ पॅनलचे नेते) जे कारखान्याचे मतदारच नाहीत, अशा बोगस मतांच्या जोरावर सत्तारूढ पॅनेल विजयी झाले परंतु कारखान्याचा खरा उत्पादक शेतकरी हा माझ्या मागे असल्याचे मतदानाच्या आकडेवारीवरून स्पष्ट झाले आहे. त्यामुळे माझ्या पॅनेलचा हा पराभव तांत्रिक स्वरुपाचा आहे. ज्यांनी या लढाईत मला पाठबळ दिले, त्यांचा मनापासून आभारी आहे. ही लढाई एका पराभवाने थांबणारी नाही.- सतेज पाटील (विरोधी राजर्षी शाहू परिवर्तन पॅनेलचे नेते)