हुपरीतील एका महाविद्यालयाच्या वसतिगृहात सुरू केलेल्या कोविड केअर सेंटरच्या पाहणीसाठी सकाळी तहसीलदार शरद पाटील, नगराध्यक्षा जयश्री महावीर गाट, तालुका आरोग्य अधिकारी सुहास कोरे, मुख्याधिकारी स्नेहलता कुंभार-ढेरे, डॉ. विद्या बनसोडे आदी आले होते. हे सर्वजण कोविड केअर सेंटर यंत्रणेच्या तयारीची पाहणी करीत असतानाच शहरातील तपासणीत पॉझिटिव्ह आढळून आलेल्या १२ भाजीपाला विक्रेत्यांना या ठिकाणी उपचारासाठी त्वरित दाखल करून घेतले. मंजुरी मिळाल्यानंतर केवळ एका दिवसातच सर्व यंत्रणा उभी करत प्रत्यक्षात ६० बेडचे कोविड केअर सेंटर सुरू करण्यात आले. या वेळी तहसीलदार शरद पाटील, तालुका आरोग्य अधिकारी सुहास कोरे, मुख्याधिकारी स्नेहलता कुंभार, डॉ. विद्या बनसोडे, पक्षप्रतोद रफिक मुल्ला, नगरसेवक सुभाष कागले, लक्ष्मी साळोंखे, जयराज गायकवाड, शशिकांत मधाळे, राजेंद्र साळोंखे, नगरअभियंता जावेद मुल्ला, सचिन कांबळे, प्रसाद पाटील, अश्विनी आडसुळ, उदय कांबळे, शुभम वाघेला आदी उपस्थित होते.
------
चौकट
नगराध्यक्षा जयश्री गाट यांनी महावीर गाट सोशल फाउंडेशनच्या वतीने या सेंटरमध्ये उपचारासाठी दाखल होणाऱ्या रुग्णाच्या भोजन व्यवस्थेकरिता २५ हजार रुपयांची देणगी जाहीर केली.या कोविड केअर सेंटरच्या उभारणीमुळे हुपरी शहर व परिसरातील गोरगरीब रुग्णाची चांगली सोय होणार आहे. या वेळी नगराध्यक्षा गाट यांनी शहरातील सर्व नागरीकाना व सामाजिक संस्था, संघटना यांना मदतीचे आवाहन केले आहे.
--
फोटो ओळी -हुपरी व परिसरातील गोरगरीब रुग्णांच्या सोयीसाठी आज पासून हुपरी येथे मोफत कोविड केअर सेंटर सुरू करण्यात आले. यावेळी तहसीलदार शरद पाटील, नगराध्यक्षा जयश्री गाट, तालुका आरोग्य अधिकारी सुहास कोरे, मुख्याधिकारी स्नेहलता कुंभार, डॉ. विद्या बनसोडे आदी उपस्थित होते.