हलकर्णी (ता. गडहिंग्लज) येथे भाजपकडून सेवासप्ताहाचे औचित्य साधून वैद्यकीय सेवेसाठी तत्पर असणारे प्राथमिक आरोग्य अधिकारी डॉ. नीलिमा धबाले, केंद्रातील आरोग्य सेविका व आशा सेविका यांचा वाफेचे मशीन व कोरोना योद्ध्यांचा गौरवपत्र देऊन सन्मान करण्यात आला.
यावेळी आशा सेविकांनी ग्राम पंचायतीकडून मिळणारे मानधन २०२० पासून थकीत आहे ते मिळावे, अशी मागणी या कार्यक्रमास उपस्थित असणारे कामगार संघटना अध्यक्ष (भाजपचे नेते) शिवाजीराव पाटील यांच्याकडे केली. त्यांनी संबंधित विभागाशी संपर्क साधून प्रश्न सोडवला जाईल, असे सांगितले. आरोग्य अधिकारी धबाले यांनी या सन्मानाबद्दल ऋण व्यक्त केले.
यावेळी शांताराम पाटील, रवींद्र बांदिवडेकर, अविनाश दुध्यागोळ, डॉ. मेघनाथ महाडिक, मार्तंड जरळी, बी. एस. पाटील, जानबा सावंत, गणपा पाटील, आशा वर्कर्स भाजपचे कार्यकर्ते उपस्थित होते.
---------------------
फोटो ओळी : हलकर्णी (ता. गडहिंग्लज) येथे आशा वर्कर्सना वाफेचे मशीन व कोरोना गौरवपत्र वाटपप्रसंगी शिवाजीराव पाटील, डॉ. नीलिमा धबाले, भाजपचे पदाधिकारी व मान्यवर उपस्थित होते.
क्रमांक : ०१०६२०२१-गड-०१