लोकमत न्यूज नेटवर्क
निपाणी : कोरोनामुळे समाजात गंभीर परिस्थिती निर्माण झाली आहे. महामारीच्या काळात वृद्ध निराधार मंडळींना मदतीची गरज आहे. मदतीसाठी सर्वांनी पुढाकार घेणे गरजेचे आहे. अशा बिकट परिस्थितीत स्व. एच. ए. मोतीवाला यांनी केलेल्या सामाजिक कार्याची आठवण येते. त्यामुळे आता एच. ए. मोतीवाला यांचा सामाजिक वारसा जपत नागरिकांनी मदत करत राहणार आहे, असे मत रत्नशास्त्री ए. एच. मोतीवाला यांनी व्यक्त केले.
निपाणी परिसरातील निराधार कुटुंबाना शुभरत्न केंद्राच्या वतीने जीवनावश्यक वस्तूंचे किट वितरण करण्यात आले त्यावेळी ते बोलत होते.
शहर पोलीस ठाण्याचे सहायक फौजदार आर. बी. शेख यांच्या हस्ते या कार्यक्रमाचा शुभारंभ करण्यात आला. यावेळी कोणत्याही निराधारांना मदत स्वीकारण्यास न बोलवता त्यांच्या घरपोच मदत देण्यात आली.
सहायक फौजदार शेख यांनी एच.ए. मोतीवाला यांनी निराधारांना केलेली मदत समाजाला दिशादर्शक असल्याचे सांगून प्रत्येकाने पुढाकार घेत गरजूंना मदत करणे गरजेचे असल्याचे सांगितले. यावेळी हवालदार विनोद असोदे, संदीप गाडीवडर, डी. के. कांबळे यांच्यासह माणिक जमादार, सरफराज सय्यद, प्रेम देवर यांच्यासह संयुक्त राजनगर युवक मंडळ व पावले गल्ली तरुण मंडळाचे कार्यकर्ते उपस्थित होते.
०६ निपाणी मोतीवाला हेल्प
फोटो निपाणी : गरजू निराधारांना शुभरत्न केंद्र यांच्यावतीने जीवनावश्यक वस्तू वाटप करण्यात आल्या.