मेहबूब गजबर जमादार (वय २२, रा. भोनेमाळ), शकील इम्तियाज बारगीर (२२, रा. षटकोन चौक) व शकील अल्लाबक्ष गवंडी (५२, रा. गवंडी तळ, मारुतीमाळ परिसर, आगर, ता. शिरोळ) अशी गुन्हा दाखल झालेल्यांची नावे आहेत.
शहर व परिसरात लॉकडाऊनच्या पार्श्वभूमीवर कबनूर (ता. हातकणंगले) परिसरात गस्त घालत असताना राज्य उत्पादन शुल्क विभागाला मेहबूब जमादार व शकील बारगीर हे दोघे गोवा बनावटीच्या दारूची बेकायदेशीर वाहतूक करताना आढळून आले. या कारवाई त्यांच्याकडून बारा बाटल्या, एक व्हॅन (एम.एच. ०९ एफ.एल. ०२१७) व ६० प्लास्टिकचे कॅरेट जप्त करण्यात आले.
तसेच मौजे आगर (ता. शिरोळ) येथे शकील गवंडी याने विनापरवाना गांजाचा साठा केल्याप्रकरणी त्यास अटक केली. त्याच्याकडून पाऊन किलो गांजा व एक मोबाइल असा एकूण आठ हजार ६९० रुपये किमतीचा मुद्देमाल जप्त केला. ही कारवाई विभागीय उपआयुक्त वाय.एन. पवार, उपाधीक्षक जे.जी. जाधव यांच्या मार्गदर्शनाखाली निरीक्षक पी.आर. पाटील, राहुल गुरव, वर्षा पाटील, विलास पवार, सुभाष कोले, विजय माने, आदींच्या पथकाने केली.
फोटो ओळी
२१०५२०२१-आयसीएच-०२
बेकायदेशीर गोवा बनावटीच्या दारूची वाहतूक केल्याप्रकरणी राज्य उत्पादन शुल्क विभागाने एकास अटक करून त्याच्याकडून मद्याच्या बाटल्या जप्त केल्या.