लोकमत न्यूज नेटवर्क,
कोल्हापूर : पुणे-बेंगलोर राष्ट्रीय महामार्गावर उजळाईवाडीजवळ भरधाव दुचाकीस्वाराने धडक दिल्यामुळे अन्नपूर्णा आशुतोष देसाई (वय ९ वर्षे रा. उजळाईवाडी जे.आर. कॉलनी, ता. करवीर) ही जखमी झाली. या अपघात प्रकरणी दुचाकीस्वार आनंदा नेताजी पाटील (वय ४५ रा. मणेरमळा) याच्यावर गोकूळ शिरगाव पोलीस ठाण्यात गुन्हा दाखल झाला आहे. वडील आशुतोष देसाई यांनी फिर्याद दाखल केली आहे. हेड कॉन्स्टेबल इदे पुढील तपास करीत आहेत.
अपघातप्रकरणी कार चालकावर गुन्हा
लोकमत न्यूज नेटवर्क
कोल्हापूर : राष्ट्रीय महामार्गावर कागल जवळ कार चालकाने दुचाकीस्वारास धडक दिली. यात राहुल अरविंद पाटणकर (वय ३८) हे जखमी झाले. बेदरकारपणे वाहन चालवून अपघात केल्याबद्दल चालक विकास साताप्पा बोडके (रा. वाळवे खुर्द, ता. कागल) याच्यावर कागल पोलीस ठाण्यात गुन्हा दाखल झाला आहे. पोलीस नाईक माटुंगे पुढील तपास करीत आहेत. रणजित शिंगारे यांनी फिर्याद दिली आहे.
महागडा मोबाईल लंपास
लोकमत न्यूज नेटवर्क
कोल्हापूर : बापट कॅम्प परिसरातून १७ हजार रुपये किमतीचा मोबाईल चोरट्याने लंपास केला. गुरुवारी सायंकाळी ७ वाजण्याच्या सुमारास हा प्रकार घडला. प्रकाश बुवासो मदने (वय २१ रा. कसबेकर चाळ, जाधववाडी) यांनी शाहूपुरी पोलीस ठाण्यात फिर्याद दिली आहे. पोलीस नाईक कोळी पुढील तपास करीत आहेत.