गडहिंग्लज / चंदगड : गेल्या दोन दिवसांपासून सुरू झालेल्या दमदार पावसाने गडहिंग्लज विभागातील हिरण्यकेशी, घटप्रभा व ताम्रपर्णी नदीच्या पाणीपातळीत झपाट्याने वाढ होत आहे. चंदगड तालुक्यातील घटप्रभा नदीवरील फाटकवाडी प्रकल्प मंगळवारी (दि. १५) पहाटे ओव्हरफ्लो झाला.
हिरण्यकेशीच्या नदीच्या पाणीपातळीत वाढ झाल्यामुळे उद्या (गुरुवारी) दिवसभरात भडगाव पूल पाण्याखाली जाण्याची शक्यता आहे.
चंदगड तालुक्यात गेल्या दोन-तीन दिवसांपासून धुवाधार पावसामुळे तालुक्यातील ताम्रपर्णी व घटप्रभा नदीच्या पाण्याची पातळी वाढ झाली आहे. रात्रभर पावसाने जोर केल्यास दोन्ही नद्यांच्या पात्रातील पाणी बाहेर पडून पूरस्थिती निर्माण होण्याची शक्यता आहे.
फाटकवाडी (घटप्रभा) मध्यम प्रकल्प रात्री दोन वाजता ओव्हरफ्लो झाला आहे. बुुधवार (दि. १६) सकाळी पर्यंतच्या २४ तासांत तालुक्यात सरासरी ७०.८३ मिलिमीटर पावसाची नोंद झाली आहे. तालुक्यातील तीन मध्यम व २० लघुपाटबंधारे प्रकल्पांत ५४.५५ टक्के पाणीसाठा झाला आहे.
------------------------
फोटो ओळी : दमदार पावसामुळे चंदगड तालुक्यातील घटप्रभा नदीवरील फाटकवाडी मध्यम प्रकल्प मंगळवारी (दि. १५) पहाटे ओव्हरफ्लो झाला आहे.
क्रमांक : १६०६२०२१-गड-११