गवताची पेंडी कापल्याच्या कारणावरून मारामारी

पोलिसातून मिळालेली माहिती अशी, फिर्यादी रेश्मा कुमार गायकवाड व नागेश गायकवाड पुसाळे गावचे रहिवाशी आहेत. फिर्यादी नात्याने दीर, भावजय आहेत. रविवार (दि. २२) सायंकाळी आठ वाजता नागेश गायकवाड, बाबू गायकवाड, अकुंश गायकवाड या तिघांनी कुमार गायकवाड यांच्या दारात जाऊन तू आमच्या बांधावरील गवताची पेंडी का कापलीस असे विचारून नागेश गायकवाड याने कुमार गायकवाड यांच्या डोक्यात काठी मारली. पोलीस ठाण्यात तक्रार दिलीस तर ठार मारण्याची धमकी दिली व शिवीगाळ केली. कुमार गायकवाड यांच्या डोक्यात वर्मी घाव लागल्याने ते गंभीर जखमी झाले. त्यांच्यावर कोल्हापुरातील हिरा नर्सिंग होम मल्टीस्पेशालिटी अँड क्रिटिकल सेंटर येथे उपचार सुरू आहेत.