तलाठी काझी यांनी दिलेल्या माहितीनुसार, मुगळी येथील ११२५ घनफूट जागेत मातीचे उत्खनन झाल्याचे स्पष्ट झाले आहे. संबंधित माती कृष्णा बयाप्पा नूलकर याने स्वत:चे घराच्या भरावासाठी वापरल्याचेही आढळून आले आहे. तसा अहवाल चंदगडचे तहसीलदारांना सादर करण्यात आला आहे.
याबाबत अधिक माहिती अशी, येथील मरगुबाई देवस्थानकडे जाणाऱ्या पाणंद रस्त्यावर उत्खनन झाल्याची माहिती काझी यांना मिळताच त्यांनी पथकासमवेत घटनास्थळाकडे भेट दिली. गटनंबर १०३ च्या लगत पाणंद रस्त्याचे वर नमूद उत्खनन नूलकरनी केले आहे. अधिक चौकशीअंती या मातीचा वापर नूलकरनी स्वत:च्या खासगी भराव कामाकरीता केल्याचेही स्पष्ट झाल्याचे अहवालात नमूद केले आहे. संबंधितावर महसूल प्रशासनाकडून काय कार्यवाही होणार याकडे गावकऱ्यांचे लक्ष आहे.
माती उत्खननाची तलाठी साजिदा काझी, पोलीस पाटील संतू रेडेकर व कोतवाल तानाजी भोगण यांनी पंचनामा केला आहे.
-------------------------
फोटो ओळी : मुगळी (ता. चंदगड) येथील पाणंद रस्त्याचे बेकायदेशीर करण्यात आलेले माती उत्खनन.
क्रमांक : १५०४२०२१-गड-०६