दरम्यान, मुख्याधिकारी जाधव यांनी सर्व प्रस्ताव जिल्हाधिकारी यांच्याकडे पाठविण्यात येणार असल्याचे सांगितले. त्यामुळे शहरवासीयांतून समाधान व्यक्त होत आहे.
शहरातील अतिक्रमण नियमितीकरण करण्यासाठी राज्य सरकारने मंजुरी दिली आहे. पालकमंत्री सतेज पाटील, ग्रामविकास मंत्री हसन मुश्रीफ यांनी अतिक्रमणधारकांनी प्रस्ताव सादर करण्याचे आवाहन केले होते. येथील जयराम पाटील फौंडेशनच्यावतीने अतिक्रमणधारकांचे प्रस्ताव एकत्रित करून नगरपालिका व जिल्हाधिकारी कार्यालयात देण्याची मोहीम फौंडेशनचे विजय पाटील राबवत आहेत. या मोहिमेला शहरवासीयांतून उत्स्फूर्त प्रतिसाद मिळत असून, पहिल्या टप्प्यात ३९८, तर दुसऱ्या टप्प्यात २११ असे एकूण ६०९ प्रस्ताव नगराध्यक्ष पाटील यांनी मुख्याधिकारी जाधव व जिल्हाधिकारी कार्यालयात दाखल केले. यावेळी नगरसेवक दीपक गायकवाड, प्रा. सुनील चव्हाण, दयानंद मालवेकर, आजम गोलंदाज उपस्थित होते.
फोटो - २२०२२०२१-जेएवाय-०३
फोटो ओळ - कुरुंदवाड येथे मुख्याधिकारी निखिल जाधव यांच्याकडे अतिक्रमण नियमितीकरणचे प्रस्ताव सादर करण्यात आले. यावेळी नगराध्यक्ष जयराम पाटील, दयानंद मालवेकर, नगरसेवक दीपक गायकवाड उपस्थित होते.