माणगाव (ता. चंदगड) येथे चंदगड तालुका बांधकाम कामगार कल्याणकारी असोसिएशनतर्फे नोंदणीकृत केलेल्या बांधकाम कामगारांना राज्य इमारत व इतर बांधकाम कामगार कल्याणकारी मंडळ मुंबई यांच्याकडून देण्यात येणाऱ्या योजनांपैकी बांधकाम कामगारांना कामाच्या ठिकाणी सुरक्षिततेच्या दृष्टीने आवश्यक असलेल्या सुरक्षासंच व अत्यावश्यक साहित्याचे वाटप करण्यात आले.
कामगार अधिकारी एकनाथ गुरव, अध्यक्ष कलाप्पा निवगिरे, उपाध्यक्ष बाबू चौगुले यांच्याहस्ते वाटप करण्यात आले. यावेळी अध्यक्ष कल्लाप्पा निवगिरे, चंदगड तालुक्यातील बांधकाम कामगारांनी चंदगड तालुका बांधकाम कामगार कल्याणकारी असोसिएशनकडे नोंदणी करून शासकीय योजनेचा लाभ घ्यावा, असे आवाहन केले.
यावेळी सचिव मोहन चौगुले, खजिनदार उमाजी पवार, परसू नरी, शिवाजी तरवाळ, नारायण वरगावकर, सुरेश चिंचणगी, सुनील पिटूक, लक्ष्मण नाईक, राजू तरवाळ, मारूती नाईक, मारूती चिंचणगी, तुकाराम नरी आदी उपस्थित होते.
-------------------------
* फोटो ओळी : माणगाव (ता. चंदगड) येथे बांधकाम कामगारांना सुरक्षा किटचे वाटप करताना कामगार अधिकारी एकनाथ गुरव, कल्लाप्पा निवगिरे, उपाध्यक्ष बाबू चौगुले आदी उपस्थित होते.
क्रमांक : ०८०४२०२१-गड-०६