कोपार्डे : ग्रामसंवाद सरपंच संघ महाराष्ट्र, कोल्हापूर जिल्हा महिला अध्यक्षपदी खुपिरेच्या (ता. करवीर) सरपंच दीपाली रमेश जांभळी यांची निवड करण्यात आली.
दीपाली जांभळे यांची सहा महिन्यांपूर्वी सरपंचपदी निवड झाल्यापासून कोरोना काळात लसीकरण अँटिजन टेस्ट, ग्रामस्वच्छता अभियान यांसह विविध योजनातून विकासकामांची केलेली धडाकेबाज कामगिरी यांसह सरपंच, उपसरपंच यांच्या विविध मागण्यांसंदर्भात शासन दरबारी केलेले प्रयत्न याचा विचार करून ग्रामसंवाद सरपंच संघाच्या कोल्हापूर जिल्हा महिला सरपंच अध्यक्षपदी दीपाली जांभळे यांची निवड करण्यात आली. ग्रामसरपंच, ग्रामसंवाद, सरपंच संघटनेचे अध्यक्ष अजिनाथ धामणे, उपाध्यक्ष प्रमोद भगत, राज्य सचिव विशाल लांडगे, महिला प्रदेशाध्यक्ष कल्याणी ताई राजस यांच्या हस्ते हे पत्र जांभळे यांना देण्यात आले.
फोटो -१७ दीपाली जांभळे