विवेकानंद कॉलेजमध्ये ऑनलाईन कार्यशाळा
कोल्हापूर : येथील विवेकानंद कॉलेजमध्ये शिवाजी विद्यापीठ अग्रणी महाविद्यालय योजनेअंतर्गत डी. आर. के. कॉलेज ऑफ कॉमर्स व विवेकानंद कॉलेजच्या प्राणीशास्त्र विभागाच्यावतीने मत्स्यालय बनविणे व देखभाल : नोकरीच्या संधी या विषयावर ऑनलाईन कार्यशाळा झाली. कार्यशाळेचे उद्घाटन प्राचार्य डॉ. आर. आर. कुंभार यांचे हस्ते झाले. कार्यशाळेमध्ये डॉ. एस. एस. पाटील यांनी मत्स्यालय बनवणे, माशांची देखभाल करणे व संवर्धन करणे, सजावट करणे यातून अनेक नोकरीच्या संधी प्राप्त होत असल्याची माहिती दिली.