बाल विकास मंच सदस्य नोंदणी रविवारपासून

बाल विकास मंचचे सदस्य होणाऱ्या बालचमूंना दोन लाख रुपयांचा लकी ड्रॉ मिळणार असून, एक हजार रुपयांचे सर्व्हिस कुपनही मिळणार आहे.

कोल्हापूर : बालचमूंची प्रतीक्षा संपली...! बालमनाचा सच्चा सवंगडी बनलेला ‘लोकमत बाल विकास मंच’ सन २०१६-१७ साठीच्या सदस्य नोंदणीस रविवार (दि. २१) पासून सुरुवात होत आहे. चिमुकल्यांच्या कलागुणांना व्यासपीठ देणाऱ्या, त्यांच्या भावविश्वात खास स्थान असणाऱ्या ‘लोकमत बाल विकास मंच’ची या वर्षीची सभासद नोंदणी कधी सुरू होणार, याची विचारणा गेल्या काही दिवसांपासून पालक व विद्यार्थ्यांमधून ‘लोकमत’ कार्यालयात होत होती; पण आता ती प्रतीक्षा संपली असून, रविवारपासून सदस्य नोंदणीला सुरुवात होत आहे. बाल विकास मंचचे सदस्य होणाऱ्या बालचमूंना दोन लाख रुपयांचा लकी ड्रॉ मिळणार असून, एक हजार रुपयांचे सर्व्हिस कुपनही मिळणार आहे. मुलांच्या कलागुणांच्या विकासासाठी तसेच त्यांना व्यासपीठ उपलब्ध करून देणारे विविध उपक्रम, कार्यक्रम बाल विकास मंचतर्फे वर्षभर राबविण्यात येतात. बाल विकास मंच सदस्य नोंदणीकरिता कोणत्याही ओळखपत्र अथवा फोटोची गरज नाही. प्ले ग्रुप ते इयत्ता दहावीपर्यंतचे विद्यार्थी बाल विकास मंचचे सदस्य होऊ शकतात. सदस्य नोंदणी केल्यानंतर लगेचच २०३ रुपये किमतीची ‘माय कॅन बॉटल’ भेट म्हणून मिळणार आहे. तसेच ड्रीम वर्ल्ड वॉटर पार्क- फन फेअर व सुप्रसिद्ध जादूगार रघुवीर या कार्यक्रमांचा पास मोफत मिळणार आहे. तर, चला तर मग...! बाल विकास मंचचे सदस्य व्हा. नोंदणी फी आहे फक्त १५० रुपये. अधिक माहिती व सदस्य नोंदणीसाठी ९५७९२३१५२० या मोबाईल क्रमांकावर अथवा कोंडा ओळ, लक्ष्मीपुरी येथील लोकमत कार्यालयात सकाळी १० ते सायंकाळी ६ या वेळेत संपर्क साधा. सदस्य नोंदणी फॉर्म ‘लोकमत’ कार्यालयात उपलब्ध आहेत.