चोरट्याला पकडले

पोलिसांतून मिळालेली माहिती अशी की, संतोष पाटील यांची मोटारसायकल क्रमांक -एम.एच०९,एफ एम-६७५२ ही गाडी १५ फेब्रुवारीला शेताजवळून अज्ञात चोरट्याने चोरून नेल्याची फिर्याद शाहूवाडी पोलिसांत दाखल केली होती.याबाबत आरोपींचा फोटो व सीसीटीव्ही फुटेजद्वारे आरोपींचा शोध घेतला असता आरोपी किरण लोखंडे यास उपविभागीय अधिकारी शाहूवाडी विभागाकडील पोलीस कॉन्टेबल ए व्ही.शिंदे,ए .बी.शेलार व शाहूवाडी पोलिस ठाण्याच्या पोलीस पथकाने बालिंगा-पाडळी रोडवर सापळा रचून मोटारसायकलसह त्यास ताब्यात घेतले.न्यायालयासमोर त्यास उभे केले असता त्यास २०मेपर्यंत पोलीस कोठडीत ठेवण्याचा आदेश दिला आहे.तपासकामी जिल्हा पोलीसप्रमुख शैलेश बलकवडे,अप्पर पोलीस अधीक्षक तिरूपती काकडे,उपविभागीय पोलीस अधीक्षक आर.आर.पाटील,पोनि विजय पाटील यांच्या मार्गदर्शनाखाली हा तपास करण्यात आला.