दत्तवाड : राजापूरवाडी (ता. शिरोळ) येथील आर. के. हायस्कूल परिसरामध्ये सुदर्शन सोलापुरे या व्यक्तीस जखमी घार निदर्शनास आली. त्याने तत्काळ राजापूरवाडीचे प्राणीमित्र वैभव गोते यांच्याशी संपर्क साधला. त्यांनी तत्काळ त्या घारीला घरी नेऊन प्राथमिक उपचार केले. पुढील उपचारासाठी वन्यजीव पशू पक्षी सामाजिक संस्थेचे पप्पू खोत यांच्याकडे पाठविले. वैभव यांनी यापूर्वी अनेक प्राणी, पक्षी व सापांना जीवदान दिले आहे. त्यांना गजानन सुतार, अभिजित चव्हाण, कृष्णात भेंडे व मोनेश्वर सुतार यांचे मार्गदर्शन लाभले.
फोटो - २४०५२०२१-जेएवाय-०१
फोटो ओळ - राजापूरवाडी (ता. शिरोळ) येथील जखमी घारीस वैभव गोते यांनी प्राथमिक उपचार करुन जीवदान दिले.
------------------------
जयसिंगपुरात महामार्ग बंद
जयसिंगपूर : येथील सांगली-कोल्हापूर महामार्गावरील नटराज हॉटेलजवळ नाल्याचे पाईप बसविण्याचे काम सुरु असल्यामुळे महामार्ग वाहतुकीसाठी बंद केला आहे. दरम्यान, या मार्गावरील वाहतूक वळविण्यात आली आहे. अकराव्या गल्लीतून ही वाहने जात असलीतरी कंटेनरसारखी मोठी वाहने नेण्यास अडचण निर्माण होत आहे. त्यामुळे नाल्याचे काम लवकर पूर्ण करावे, अशी मागणी वाहनधारकांतून होत आहे.
------------------------
विनामास्क फिरणाऱ्यांवर कारवाई करा
शिरोळ : तालुक्यात कोरोना रुग्णांची संख्या वाढत आहे. त्या पार्श्वभूमीवर प्रशासनाने लॉकडाऊन केला आहे. सोमवारपासून सात ते अकरा ही वेळ नागरिकांना खरेदीसाठी देण्यात आली आहे. मात्र, या दरम्यान विनामास्क फिरणाऱ्यांची संख्या वाढली आहे. त्यामुळे अशा नागरिकांवर प्रशासनाने कारवाई करण्याची गरज आहे.