इंगळी : पंचायत समितीच्या निधीतून पूर्ण झालेल्या नळ पाणीपुरवठा योजनेचे लोकार्पण माजी आमदार सुजित मिणचेकर यांनी केले. अण्णाभाऊ साठेनगरात पाणीपुरवठा करणाऱ्या जलवाहिन्या खराब झाल्याने कमी दाबाचा पाणीपुरवठा होत होता. मुख्य जलवाहिनीसह अंतर्गत पाणीपुरवठा करणाऱ्या नळांचे नूतनीकरण पूर्ण करण्यात आले. यावेळी पं. स. सदस्या वैजयंती आंबी, सरपंच शालन पाटील, उपसरपंच विठ्ठल गाताडे, अनिल पाटील, बाळासाहेब नायकवडे, आदी उपस्थित होते.
भाजप सहकारी आघाडीची कार्यकारिणी
इचलकरंजी : भाजप इचलकरंजीच्या सहकार आघाडीची कार्यकारिणी माजी आमदार सुरेश हाळवणकर यांच्या मार्गदर्शनाखाली जाहीर करण्यात आली. अध्यक्षस्थानी पुष्कर उत्तुरे होते. यावेळी अनिल डाळ्या व विजय कोळेकर यांची प्रमुख उपस्थिती होती. कार्यकारिणीमध्ये राजेंद्र भिऊंगडे, सुहास कोतमिरे, करण जिरगे, प्रदीप वरुटे, विनायक चव्हाण, पद्माकर पाटील, अमोल सूर्यवंशी, प्रशांत काळे, विशाल साळोखे, राकेश पाटील, प्रशांत लगारे, निवास नाईक, राजेश घाटगे, दिलीप रेपे यांचा समावेश आहे.
महावीर यळरूटे यांची नियुक्ती
इचलकरंजी : सन्मती सहकारी मल्टिस्टेट बॅँकेच्या तज्ज्ञ संचालकपदी महावीर बाळू यळरूटे (कुरूंदवाडे) यांची नियुक्ती करण्यात आली. निवडीचे पत्र अध्यक्ष सुनील पाटील यांनी दिले. यळरुटे यांना बॅँकींग, वस्त्रोद्योग व सहकार क्षेत्रातील कामकाजाचा प्रदीर्घ अनुभव आहे. माजी खासदार कल्लाप्पाण्णा आवाडे व आमदार प्रकाश आवाडे यांच्या मार्गदर्शनाखाली ते कार्यरत आहेत. याकामी पाटील, उपाध्यक्ष एम. के. कांबळे, अजित कोईक व मुख्य कार्यकारी अधिकारी अशोक पाटील यांचे सहकार्य लाभले.