आजरा : आजरा अर्बन बँक व अण्णा-भाऊ आजरा सूतगिरणी यांच्यातर्फे आजरा व रोझरी कोविड सेंटरला प्रत्येकी ५० हजारांची मदत करण्यात आली. या मदतीचा धनादेश अण्णा-भाऊ संस्था समूहाचे प्रमुख अशोक चराटी व आजरा बँकेचे अध्यक्ष सुरेश डांग यांच्या हस्ते डॉ. रश्मी राऊत-गाडगीळ यांच्याकडे देण्यात आला. आजरा अर्बन बँकेकडून रोझरी कोविड सेंटरला ५० हजार रुपयांची मदत देण्यात आली. बँकेचे अध्यक्ष सुरेश डांग यांच्या हस्ते डॉ. रश्मी राऊत-गाडगीळ यांच्याकडे हा मदतीचा धनादेश देण्यात आला.
अण्णा-भाऊ आजरा सूतगिरणीकडून आजरा कोविड सेंटरला ५० हजार रुपयांच्या मदतीचा धनादेश अण्णा-भाऊ संस्था समूहाचे प्रमुख अशोक चराटी यांच्या हस्ते डॉ. धनंजय देशमुख यांच्याकडे देण्यात आला. यावेळी बँकेचे संचालक व सूतगिरणीचे उपाध्यक्ष डॉ. अनिल देशपांडे, सूतगिरणीचे अधिकारी सचिन सटाले, आजरा सेंटरचे डॉ. समीर तौकरी, डॉ. इंद्रजित देसाई, डॉ. गौतम नाईक, डॉ. सागर पारपोलकर, डॉ. दीपक हरमळकर, डॉ. बी. जी. पाटील, आदी उपस्थित होते.
फोटो ओळी :
आजरा बँक व अण्णा-भाऊ आजरा सूतगिरणीतर्फे आजरा व रोझरी कोविड सेंटरला प्रत्येकी ५० हजारांचा मदतीचा धनादेश डॉ. रश्मी राऊत-गाडगीळ यांच्याकडे अशोक चराटी, सुरेश डांग यांनी दिला. यावेळी डॉ. अनिल देशपांडे यांच्यासह अन्य उपस्थित होते.
क्रमांक : ०८०७२०२१-गड-०५