कोल्हापूर : भाजून जखमी झालेल्या वृद्धेचा सीपीआरमध्ये उपचार सुरू असताना मृत्यू झाला. चंद्रकला कृष्णराव शिंदे (वय ९२, रा. ताराबाई पार्क, कोल्हापूर) असे त्यांचे नाव आहे. ही घटना मंगळवारी घडली.
पिंपळगावच्या तरुणाचा सर्पदंशाने मृत्यू
कोल्हापूर : पिंपळगाव खुर्द (ता. कागल) येथे सर्पदंश झालेल्या तरुणाचा मृत्यू झाला. प्रशांत मोहन काळे (वय ३०) असे त्यांचे नाव आहे. ही घटना दि. १६ डिसेंबरला घडली होती. त्यांच्यावर सीपीआर रुग़्णालयात उपचार सुरु असताना त्यांचा मृत्यू झाला.
गॅलरीतून पडलेल्या महिलेचा मृत्यू
कोल्हापूर : कागल तालक्यातील करनूर येथे घराच्या गॅलरीतून पडून गंभीर जखमी झालेल्या महिलेचा गुरुवारी सीपीआरमध्ये उपचार सुरू असताना मृत्यू झाला. सुनीता गणेश पाटील (वय ४५) असे त्यांचे नाव आहे. बुधवारी सकाळी ही घटना घडली होती.
मारहाणीत एक जखमी
कोल्हापूर : शाहूपुरी थोरली मच्छिंद येथे बुधवारी दुपारी मारहाणीत एक जखमी झाला. सलीम बाबुमियाँ तांबोळी (वय ४७, रा. शाहूपुरी) असे त्यांचे नाव आहे. त्यांच्यावर सीपीआरमध्ये उपचार सुरु आहेत.
अपघातात तरुण जखमी
कोल्हापूर : हॉकी स्टेडियम परिसरात बुधवारी झालेल्या अपघातात ऋषिकेश सुरेश कांबळे (वय २३, रा. पाचगाव) हा तरुण जखमी झाला. त्याला सीपीआरमध्ये उपचारासाठी दाखल करण्यात आले.