कोल्हापूर : करवीर तालुक्यातील महसूल अधिकारी व कर्मचाऱ्यांनी दोन दिवसांचा पगार कोरोना वैद्यकीय उपकरणांसाठी दिला. या मदतीतून जमा झालेल्या ३ लाख २० हजारांच्या रकमेतून तालुक्यातील चार कोविड केअर सेंटरसाठी उपकरणे देण्यात आली.
तालुक्यातील केआयटी मुलांचे वसतिगृह, कुरुकली, कुडीत्रे व शिंगणापूर येथील कोविड केअर सेंटरसाठी ५० ऑक्सिफ्लो मीटर आणि २ लाख किमतीची औषधे आरोग्य अधिकारी गुणाजी नलवडे यांच्याकडे प्रांताधिकारी वैभव नावडकर यांनी सुपूर्द केले. या सामाजिक कार्यात प्रांताधिकारी नावडकर यांच्यासह तहसीलदार शीतल मुळे-भांबरे, नायब तहसीलदार बिपीन लोकरे, रूपाली सूर्यवंशी यांच्यासह करवीर तहसील, प्रांत कार्यालयातील कर्मचारी, तलाठी मंडल अधिकारी तसेच भूमीअभिलेख, गटविकास अधिकारी, सहकार विभागाचे अधिकाऱ्यांनी योगदान दिले.
---
०५०६२०२१-कोल-करवीर महसूल
ओळ : करवीर तालुक्यातील महसूल अधिकारी व कर्मचाऱ्यांनी पगारातून जमा केलेल्या निधीतून येथील कोविड केअर सेंटरसाठी उपकरणे दिली. प्रांताधिकारी वैभव नावडकर यांनी हे साहित्य आरोग्य अधिकाऱ्यांकडे सुपूर्द केले.
---