येथील पोस्ट मास्तर करवीर नावलगी, राजू मलकान्नावर, संगय्या औरगोळ, मल्लिकार्जुन यादगुडी आदींनी हा एका चर्चेत विषय घेतला. त्यास सर्वांनी दुजोरा दिल्याने त्याचवेळी एरवी यात्रा उत्सवात आपण किती खर्च करतो तो खर्च सत्कर्मी लावूया, असे आवाहन सोशल मीडियावर केल्याने गावात रोख व गुगल पे, फोन पे अशा स्वरूपात २४ हजारांची मदत जमा झाली. त्याची औषधे व साहित्य खरेदी करून ती तातडीने गावातील आरोग्य यंत्रणेकडे सरपंच मोसिम मुल्ला यांच्याहस्ते पोहोच करण्यात आले.
यावेळी उपसरपंच आक्काताई हजेरी, सदस्या अंजना निंबाळकर, मंजुळा चौगुले आदींसह आरोग्य व आशासेविका, ग्रामस्थ उपस्थित होते.
----------------------
फोटो ओळी : तेरणी (ता. गडहिंग्लज) येथील युवकांनी यात्रा उत्सवाचा खर्च सत्कर्मी लावण्यासाठी केलेल्या आवाहनातून जमा झालेल्या रकमेतून औषधे व अन्य साहित्य आरोग्य उपकेंद्रास सरपंच मोसिम मुल्ला व मान्यवरांच्या हस्ते वितरित केले.
क्रमांक : १४०६२०२१-गड-०४