ऑनलाईन लोकमत
जळगाव,दि.11 - रेल्वे स्टेशन येथून नातेवाईकांना घेवून येत असलेल्या अर्चना गणेश बडगुजर (वय 21, रा.भिकमचंद जैन नगर, जळगाव) या तरुणीच्या दुचाकीला रविवारी सकाळी पावणे सहा वाजता भोईटे नगर रेल्वे गेटजवळ ट्रकने धडक दिली. त्यात अर्चना जखमी झाली असून तिला खासगी रुग्णालयात दाखल करण्यात आले आहे. याप्रकरणी शहर पोलीस स्टेशनला गुन्हा दाखल करण्यात आला आहे.
जखमी तरुणी व तिचा भाऊ रविवारी मुंबईहून येत असलेल्या मामाला घेण्यासाठी वडीलासोबत दुचाकीने (एम.एच.19 बी.एस.4996) गेलेली होती. तेथून परत येत असताना भोईटेनगरचे रेल्वे फाटक बंद होते. त्यामुळे दोघं दुचाकी थांबल्या होत्या. त्याचवेळी मागून आलेल्या ट्रकने (एम.एच.19/4129 अर्चनाच्या दुचाकीला जोरदार धडक दिली. त्यामुळे दुचाकी रेल्वे गेटवर आदळली गेली. या अपघातामध्ये अर्चना जखमी झाली नातेवाईकांनी ट्रक चालकाला ताब्यात घेत गेटमनच्या स्वाधीन केले.