लोकमत न्यूज नेटवर्क
जळगाव : राज्य शासनाच्या आदेशानुसार जिल्हा प्रशासनाने जिल्ह्यात २७ जूनपासून कडक निर्बंध लागू केले आहेत. जिल्ह्यात डेल्टा आणि डेल्टा प्लस या कोविडच्या विषाणूंचे प्रकाराने संसर्ग झालेले रुग्ण आढळून आले आहेत. त्यात सूट देण्यात येत असल्याने निर्बंधांमधे काही प्रमाणात वाढ करण्याबाबत निर्देश देण्यात आले आहे. त्यानुसार सर्व दुकाने आता दुपारी चार वाजताच बंद होतील. तसेच सायंकाळी पाच ते सकाळी पाच या वेळेत मुक्तसंचार करण्यात बंदी घालण्यात आली आहे.
जिल्हाधिकारी अभिजित राऊत यांनी शुक्रवारी सायंकाळी हे आदेश पारित केले आहेत. दररोज सायंकाळी ५ वाजेनंतर सार्वजनिक ठिकाणी एका वेळेस ५ पेक्षा अधिक नागरिकांना एकत्र येण्यास मनाई करण्यात आली आहे. जिल्ह्यात निर्यातक्षम उद्योग तसेच अत्यावश्यक वस्तूंची निर्मिती करणारे उद्योग नियमित सुरू असतील. तर अन्य प्रकारचे उद्योग आणि कंपन्या ५० टक्के क्षमतेसह सुरू राहतील.
नागरिकांनी चेहऱ्यावर मास्क लावणे, सॅनिटायजरचा वापर करणे, सोशल डिस्टन्सिंगचे पालन करणे बंधनकारक आहे. या नियमांचे उल्लंघन केल्यास पाचशे रुपयांचा दंड केला जाणार आहे. तसेच या नियमांचे पालन होत आहे की नाही हे पाहण्याची जबाबदारी पोलीस आणि संबंधित स्थानिक स्वराज्य संस्थेकडे देण्यात आली आहे.
काय आहेत सुरू
अत्यावश्यक सेवा पुरवणारी दुकाने - दररोज दुपारी चारपर्यंत
अत्यावश्यक सेवा वगळता इतर दुकाने - सोमवार ते शुक्रवार दुपारी चारपर्यंत शनिवार,रविवार बंद
सार्वजनिक ठिकाणे, मैदाने, सायकलिंग- सकाळी ५ ते ९ पर्यंत
खासगी कार्यालये -५० टक्के क्षमतेने ४ वाजे पर्यंतच फक्त कार्यालयीन दिवसांसाठीच
शासकीय कार्यलये - ५० टक्के क्षमतेने
क्रीडा प्रकार (आऊट डोअर स्पोर्ट्स) सकाळी ५ ते ९ पर्यंत
सामाजिक, सांस्कृतिक, राजकीय कार्यक्रम सोमवार ते शुक्रवार ५० टक्के क्षमतेसह दुपारी चारपर्यंत
लग्न समारंभ दुपारी चार पर्यंतच ५० लोकांच्या उपस्थितीत
अंत्यविधी २० लोकांच्या उपस्थितीत
बांधकामे - मजूर राहत असल्यास अशी बांधकामे, चार वाजेनंतर मजुरांना ये-जा करण्यास मनाई राहील.
कृषी संबंधित कामे - दुपारी चारपर्यंतच
ई कॉमर्स - सुरु
जिम, स्पा, सलून - ५० टक्के ग्राहक क्षमतेसह दुपारी चार पर्यंतच
सार्वजनिक प्रवासी वाहतूक - १०० टक्के क्षमतेसह
मालवाहतूक -
आंतर जिल्हा प्रवास
ऑनलाइन शिक्षण
काय आहे बंद
शॉपिंग, मॉल्स थिएटर्स
शाळा महाविद्यालये कोचिंग क्लासेस