अल्पवयीन मुलाला मारहाण
जळगाव : गल्लीतील मित्रांसोबत बोलत असताना अरबाज, साजिद व आणखी एक अशा तिघांनी करण दीपक अहिरे (वय १६) या मुलाला काहीही कारण नसताना मारहाण केल्याची घटना १४ जून रोजी तांबापुरात घडली. याप्रकरणी गुरुवारी एमआयडीसी पोलीस ठाण्यात अदखलपात्र गुन्ह्याची नोंद करण्यात आली आहे.
अपघातप्रकरणी गुन्हा दाखल
जळगाव : शिरसोली गावात मारोती मंदिराच्या पुढे रस्त्यावर कारने मोहम्मद मेहमूद शहा गुलाम शहा (वय ३५,रा.नशिराबाद) यांना धडक दिल्याची घटना ८ जुलै रोजी घडली होती. याप्रकरणी मोहम्मद शहा यांच्या फिर्यादीववरुन गुरुवारी एमआयडीसी पोलीस ठाण्यात कारचालकाविरुध्द (क्र.एम.एच.१९ बी.जे.२५०१) गुन्हा दाखल करण्यात आला. तपास उपनिरीक्षक विशाल सोनवणे करीत आहेत.
धानवड येथे प्रौढाला मारहाण
जळगाव : तालुक्यातील धानवड येथे भागवत दगा जोगी, छोटू भागवत जोगी व गणेश भागवत जोगी या तिघांनी धनराज तुकाराम जोगी (वय ५५) यांच्या डोक्यात लाकडी दांडा टाकून दुखापत केल्याची घटना १३ जून रोजी रात्री ९ वाजता घडली. याप्रकरणी एमआयडीसी पोलीस ठाण्यात गुन्हा दाखल झाला आहे. भागवत जोगी हा मद्याच्या नशेत धनराज जोगी यांच्या पत्नीची मस्करी करीत होता. त्यामुळे त्याला घरी जाण्याबाबत समजावले असता त्याचा राग आल्याने भागवत याने डोक्यात लाकडी दांडा टाकला.