सातपुडा गारठला

सातपुडय़ात पारा घसरल्याने पर्वतराजी अक्षरश: गारठली आहे. थंड हवेचे ठिकाण असलेल्या तोरणमाळचे तापमानही घसरून 3 अंशावर स्थिरावले आहे.

नंदुरबार : सातपुडय़ात पारा घसरल्याने पर्वतराजी अक्षरश: गारठली आहे. थंड हवेचे ठिकाण असलेल्या तोरणमाळचे तापमानही घसरून 3 अंशावर स्थिरावले आहे.

नंदुरबार जिल्ह्यातील तापमान गेल्या आठवडय़ापासून घसरतच आहे. नंदुरबारचे तापमान सात अंशावर स्थिरावले आहे. सातपुडय़ाच्या तिस:या व चौथ्या रांगेतील अनेक गाव-पाडय़ांमध्ये थंडीचा कहर दिसून येत आहे. अनेक भागातील तापमान तीन ते चार अंशादरम्यान आहे. थंड हवेचे ठिकाण असलेल्या तोरणमाळचे तापमान शुक्रवारी पहाटे 3.7 अंशावर पोहचले होते. शीतलहरमुळे पहाटे दवदेखील पडत असल्यामुळे गारठय़ात वाढ होत आहे.