ऑनलाईन लोकमत
जामनेर,दि.6 - मुंबईत 9 ऑगस्ट रोजी होणा:या मराठी क्रांती मोर्चासाठी जनजागृती होण्यासाठी जामनेर शहरातून रविवारी सकाळी 10 वाजता मोटारसायकल रॅली काढण्यात आली. शहरातील पाचोरा रोडपासून रॅलीची सुरवात झाली व वाकी रोड, प्रकाशनगर, शिवाजी नगर, शिवकालॉनी, जळगाव रोड, हिवरखेडा रोड, भुसावळ रोड, जामनेरपुरा या भागातून रॅली निघाली. मराठा आरक्षण मिळालेच पाहिजे. कोपर्डी हत्याकांडातील आरोपीना फाशी झाली पाहिजे, शेतक:यांना कर्जमाफी झाली पाहिजे आदी घोषणा दिल्या. नगरपालिका चौकात रॅलीचा समारोप करण्यात आला. प्रल्हाद बोरसे, प्रदीप गायके, प्रा. शरद पाटील, पप्पू पाटील, किशोर खोडपे, सुनील पाटील, राजेंद्र पाटील, सुपडू पाटील, एस.टी.पाटील, जीवन पाटील, अजय पाटील, जितू गोरे, डॉ.नंदलाल पाटील, नरेंद्र जंजाळ, सोपान पाटील, सागर पाटील, संदीप गरुड आदी विविध संघटनांचे पदाधिकारी, कार्यकर्ते तसेच समाजाचे कार्यकते उपस्थित होते.