दरम्यान, पुढच्या पिढीला आदर्श अशी शाळा येत्या काळात उभी करा. त्यासाठी मी माझ्या आमदार निधीतून मोठी मदत करेन, असे आश्वासन आमदार अनिल पाटील यांनी या उपक्रमाचे उद्घाटक म्हणून दिले. त्यांनी शाळेचे चेअरमन योगेश मुंदडे व मुख्याध्यापक दिगंबर महाले यांच्या कामाचे भरभरून कौतुक केले.
यावेळी खान्देश शिक्षण मंडळाचे कार्याध्यक्ष जितेंद्र जैन, कार्योपाध्यक्ष नीरज अग्रवाल, माजी आमदार साहेबराव पाटील, जिल्हा परिषद सदस्या जयश्री पाटील, संस्थेचे संचालक प्रदीप अग्रवाल, संदेश गुजराथी, हरी भिका वाणी, अध्यक्ष अनिल कदम, उपाध्यक्ष कमल कोचर व माधुरी पाटील, विश्वस्त वसुंधरा लांडगे, अभिजीत भांडारकर, निलेश भांडारकर, प्रभाकर कोठावदे , प्रभारी प्राचार्य डॉ. प्रकाश शिरोडे, अनिल वैद्य, द्रौ. रा. कन्याशाळेच्या मुख्याध्यापिका जे. के. सोनवणे,उपमुख्याध्यापक ए. एस. करस्कार, पर्यवेक्षक व्ही. व्ही. कुलकर्णी उपस्थित होते.
आमदार पाटील यांनी ध्वजारोहण करून शाळेचा लोगो असलेला संदेशात्मक कंदील फुग्यांच्या सहाय्याने आकाशात उंच सोडला. आमदारांनी सपत्नीक भूमातेचे पूजन केले. सर्व प्रमुख अतिथींसह उपस्थितांनी मोठ्या प्रमाणावर वृक्षारोपण केले. यावेळी ग्रीन स्कूलची संकल्पना असलेला केकही कापण्यात आला. निवृत्त मुख्याध्यापक पी. एल. मेखा, आर. सी. मोराणकर, एस. एम. बडगुजर, सी. झेड. पाटकरी, एन. एम. पाटील, एस. डी. पाटील व एन. आर. वानखेडे यांचा समावेश होता.
मुख्याध्यापक महाले यांनी ग्रीन स्कूलची, डिजिटलायझेशन व पेपरलेस स्कूलची संकल्पना विशद केली. यावेळी शाळेचे माजी विद्यार्थी, निवृत्त शिक्षक व शिक्षकेतर कर्मचारी मोठ्या प्रमाणावर उपस्थित होते. कार्यक्रमात शालेय शिक्षक व शिक्षिका यांचा ग्रीन स्कूलला पूरक पेहराव लक्षवेधी ठरला. सूत्रसंचालन शिक्षक अमित पाटील यांनी केले. आभार उपमुख्याध्यापक ए. एस. करस्कार यांनी मानले.
210721\21jal_6_21072021_12.jpg
गं. स. विद्यालय ग्रीन स्कूल सोबतच झाली डिजिटल, पेपरलेस