सध्या दोन वर्षांच्या कालखंडात कोरोनाचा प्रादुर्भाव व पंधरा दिवसांपासून वरुणराजाने मारलेली दांडी शेतकरी वर्ग व मजूरवर्ग हवालदिल झाला आहे. अशा परिस्थितीत तांदूळवाडी येथील दारिद्र्य रेषेखालील जगणारे वयोवृद्ध पती आणि पत्नी हे दिवस भर राबून पोटाची खळगी भरण्यासाठी मोल मजुरी करत असून रोजच्या दिनक्रमाने दिवसाची सुरुवात करत असताना सकाळी पहाटेच्या सुमारास अचानक भिंत कोसळली. त्यात अंजनाबाई उत्तम मोरे (६१) या जखमी झाल्या असून, उत्तम लोभा मोरे (६५) हे भिंतीच्या ढिघाऱ्याखाली दाबले गेले असल्याने किरकोळ जखमी झाले.
उत्तम लोभा मोरे हे ढिगाऱ्याखाली दबल्याने अंजनाबाई मोरे यांनी आरडाओरडा करून ग्रामस्थांना बोलावले. उत्तम लोभा मोरे यांना तात्काळ भिंतीच्या ढिगाऱ्याखालून गावकऱ्यांनी त्यांना बाहेर काढले. त्यांना प्राथमिक उपचारासाठी डॉ. दिनकर पाटील यांनी प्राथमिक उपचार केले.