तांबापुरात मायलेकीस मारहाण
जळगाव : तांबापुरातील गौतम नगरात संजना विनोद गोसावी व त्यांची मोठी मुलगी सानिया या दोघांना फराहन शेख शब्बीर शेख (रा.गौतम नगर)याने दारुच्या नशेत मारहाण केल्याची घटना बुधवारी रात्री घडली. याप्रकरणी गुरुवारी एमआयडीसी पोलीस ठाण्यात गुन्हा दाखल करण्यात आला आहे.
पोटदुखीच्या आजाराने तरुणाचा मृत्यू
जळगाव : पोटदुखीच्या आजाराने त्रस्त असलेल्या विवेक साहेबराव पाटील (२८,रा.शिवराम नगर) या तरुणाचा बुधवारी सायंकाळी जिल्हा रुग्णालयात उपचार सुरु असताना मृत्यू झाला. याप्रकरणी तालुका पोलीस ठाण्यात अकस्मात मृत्यूची नोंद करण्यात आली आहे. तपास हवालदार सुधाकर शिंदे करीत आहेत.
दुकानाचे कारण सांगून महिला बेपत्ता
जळगाव : किराणा दुकानावर जाण्याचे कारण सांगून दोन लहान मुलींना सोडून मनिषा आनंदा वाघ (२८, रा.खेडी बु.) ही विवाहिता घरातून गायब झाल्याची घटना ४ रोजी रात्री ८ वाजता घडली. याप्रकरणी बुधवारी रात्री पतीच्या फिर्यादीवरुन एमआयडीसी पोलीस ठाण्यात हरविल्याची नोंद करण्यात आली आहे. तपास मिलींद सोनवणे करीत आहेत.