ग्रामपंचायतीच्या विकास कामांसह समस्या, तक्रारींचा आढावा बैठकीत घेतला. ग्रामपंचायतींमार्फत विविध विकासकामांची मागणी आमदारांकडे करण्यात आली. आमदारांनीही यापूर्वी गावा गावात केलेल्या आमदार निधीतून, शासकीय निधीतून केलेल्या विविध विकासकामांचेही वाचन केले. ग्रामस्थांनी वीज समस्या, रेशन, घरकुल, पीक विमा यासह विविध समस्या व तक्रारींचा पाढा वाचला. आमदार पाटील यांनी आलेल्या समस्या, तक्रारी समजून घेतल्या. संबंधित अधिकाऱ्यांना सूचना करून तत्काळ प्रश्न मार्गी लावण्याच्या सूचना केल्या.
‘आमदार आपल्या गावी’ या अभियानातून ग्रामपंचायतींच्या कामांचा आढावा, समस्या जाणून त्यांना खऱ्या अर्थाने न्याय देण्यासाठी ही संकल्पना राबविल्याचेही या आढावा बैठकीत आमदार किशोर पाटील यांनी सांगितले. तसेच आता महाराजस्व अभियानअंतर्गत पंचायत समिती गणनिहाय शासकीय योजनांची जत्रा कार्यक्रम सुरू होणार आहेत. त्यावेळी वैयक्तिक लाभासह शासकीय योजना, रेशन, घरकुल यासह समस्या अडचणी नागरिकांनी मांडाव्यात, समस्या सोडविल्या जातील, असे आवाहन आमदार किशोर पाटील यांनी केले.
या बैठकींना आमदार किशोर पाटील, सभापती डाॅ. अर्चना पाटील, तहसीलदार सागर ढवळे, सहाय्यक गटविकास अधिकारी संजय लकवाल, माजी नगराध्यक्ष प्रशांत पवार, जि. प. सदस्या कीर्ती चित्ते, संजय पाटील बात्सर, जय मातादी ट्रस्टचे अध्यक्ष डाॅ. विशाल पाटील, विधानसभा क्षेत्रप्रमुख जे. के. पाटील, शिवसेना तालुका प्रमुख डाॅ. विलास पाटील, बाजार समिती प्रशासक संचालक युवराज पाटील, राहुल पाटील गोंडगाव, योगेश सूर्यवंशी गोंडगाव, योगेश पाटील बात्सर, जालिंदर चित्ते, विस्तार अधिकारी टी. पी. मोरे, सांख्यिकी अधिकारी धनसिंग राजपूत, बचत गट उमेदचे प्रशांत महाले, घरकुल निर्माण अधिकारी रोशन पाटील, महावितरणचे राऊत, पाचोरा ग्रामीण पुरवठा विभागाचे अभियंता डी. बी. राठोड, तालुका आरोग्य अधिकारी डाॅ. सूचिता आकडे, आरोग्य अधिकारी डाॅ. प्रशांत पाटील, बांधकाम विभागाचे उपअभियंता नरेंद्र आखाडे, पाटबंधारे विभागाचे शाखा अभियंता पी. टी पाटील, मंडळ अधिकारी आर. पी. शेजवळकर, वाडे तलाठी रत्नदीप माने, बालविकास प्रकल्प विभाग पर्यवेक्षिका सुजाता चौधरी, कृषी सहायक सचिन पाटील उपस्थित होते.
वाडे येथील कार्यक्रमाचे प्रास्ताविक डाॅ. विशाल पाटील, अशोक परदेशी यांनी केले. सूत्रसंचलन परशुराम माळी यांनी केले. यावेळी सरपंच रजूताई पाटील, उपसरपंच प्रदीप भिल्ल व सर्व ग्रामपंचायत सदस्य, दिनकरराव पाटील, आधार माळी, देवीदास माळी, श्यामसिंग परदेशी, कर्मचारी हजर होते.