जळगाव : राष्ट्रवादीचे नेते आणि आमदार रोहित पवार हे उद्या जळगाव जिल्हा दौऱ्यावर येत आहेत. ते पुण्याहून सकाळी १० वाजता कजगाव ता. भडगावला येतील त्यानंतर दिवसभर त्यांचे विविध कार्यक्रम आहेत.
पुण्याहून कजगाव(ता.भडगाव) १०.४५ ला नगरदेवळा ॲम्ब्युलन्स लोकार्पण सोहळा, पाचोरा येेथे आगमन आणि ११.३० पर्यंत, दुपारी १२ वाजता छत्रपती शिवाजी महाराज व डॉ. बाबासाहेब आंबेडकर पुतळा पुष्पहार अर्पण, दुपारी १२ वाजता महालपुरे मंगल कार्यालयात युवा संवाद - कौशल्य विकास मार्गदर्शन, माजी आमदार दिलीप वाघ यांच्या निवासस्थानी भेट, दुपारी ३ वाजता जळगावला राष्ट्रवादी काँग्रेस कार्यालयात कार्यकर्त्यांच्या भेटीगाठी, दुपारी ३.३० वाजता जैन हिल्स येथे भेट, दुपारी ४.३० वाजता जिल्हाधिकारी कार्यालयात अल्पबचत भवनात भारतीय संविधान आणि नागरिक सत्यशोधक साहित्य परिषदेत उपस्थिती. सायंकाळी ६ वाजता बहिणाबाई चौधरी संग्रहालय येथे भेट, सायंकाळी ६.५० वाजता शिवतीर्थ मैदानावर दिव्यांगाना व्हीलचेअर वाटप करणार आहेत.