अध्यक्षस्थानी निवृत्त अप्पर जिल्हाधिकारी एच.टी. माळी होते. युवा कल्याण प्रतिष्ठान संचलित विचार प्रबोधन अभियानांतर्गत ‘महिला सक्षमीकरण पुरुष मानसिकतेची भूमिका’ व ‘क्रांतिज्योती सावित्रीबाई फुले’ या दोन विषयांवर १५ ते ३० या वयोगटासाठी निबंध स्पर्धा आयोजित केली होती. त्यात ३६ मुली व सात मुलांनी सहभाग घेतला होता.
या स्पर्धेचे बक्षीस वितरण येथील लायन्स-आयएमए हॉल येथे झाले. माळी म्हणाले की, शोषक, तर शोषण करत राहणार आहेत. कारण त्यात त्याचा फायदाच आहे. मात्र, शोषितांनी शोषकाविरुद्ध लढा सुरूच ठेवला पाहिजे. आधार संस्थेच्या डॉ. भारती पाटील यांनीही मार्गदर्शन केले.
युवा कल्याण प्रतिष्ठानचे अध्यक्ष प्रा. अशोक पवार यांनी पाच वर्षांत राष्ट्रीय स्त्री-पुरुषांवर अभ्यासपूर्ण सादरीकरण करणारे १ हजार वक्ते तयार करणार, असा मानस व्यक्त केला. जी.एस. हायस्कूलचे माजी मुख्याध्यापक स.सु. बोरसे (८९) यांनी आवेशपूर्ण भाषणाने सर्वांचे लक्ष वेधून घेतले.
निबंध स्पर्धेचा निकाल असा- प्रथम - केतकी पुरुषोत्तम सोनवणे, द्वितीय- मयुरी मधुकर भोई, तृतीय- कोमल शैलेश झाबक, कविता सुरेश पाटील, तर ऐश्वर्या संजय सोमवंशी, कल्याणी हेमंत महाजन, रितुजा संभाजी पाटील, वैष्णवी मच्छिंद्रनाथ पाटील यांना उत्तेजनार्थ बक्षिसे देण्यात आली.
यावेळी नीलेश शिवाजी पाटील यांना विशेष पुरस्कार देण्यात आला. विशेष कार्य करणाऱ्या तिलोत्तमा रवींद्र पाटील, संदीप घोरपडे, राष्ट्रवादी विद्यार्थ्यांचे नेते भूषण भदाणे, सुनील शिंपी, श्रीनाथ पाटील, सनी गायकवाड, अनिरुद्ध शिसोदे, सारांश सोनार, योगेश घोडके यांचा सत्कार करण्यात आला.
सूत्रसंचालन बन्सीलाल भागवत यांनी केले. वाल्मीक मराठे यांनी आभार मानले. यशस्वीतेसाठी एस.एम. पाटील, छाया सोनवणे, विठ्ठल पाटील, डी.एम. पाटील, डॉ. राहुल निकम, संदीप जैन, राजू पाटील, यतीन पवार, बाळू बिऱ्हाडे यांनी परिश्रम घेतले.