मुकेश हा मंगळवारी सकाळी ११ वाजता मित्र सतीश विजय संदानशिव याला सोबत घेऊन दुचाकीने यावल तालुक्यातील डांभूर्णी येथील निंबादेवी या देवस्थानावर दर्शनासाठी गेला होता. दर्शन आटोपल्यानंतर दुपारी चार वाजता दुचाकीने पुन्हा जळगावकडे परत निघाले. ममुराबाद गावाजवळ समोरून येणाऱ्या दुचाकीच्या धडकेपासून स्वत:ला वाचविण्याच्या प्रयत्नात मुकेश याची दुचाकी घसरली. त्यामुळे मुकेश व सतीश हे दोघेही रस्त्यावर पडले. यात मुकेश गंभीर जखमी झाला होता, तर सतीश किरकोळ जखमी झाला होता.
मुकेशला जिल्हा रुग्णालयात दाखल करण्यात आले होते. प्राथमिक उपचार केल्यानंतर डॉ. उल्हास पाटील यांच्या रुग्णालयात हलविण्यात आले होते. बुधवारी सकाळी साडेनऊ वाजता मुकेशचा मृत्यू झाला. मुकेश हा गणेश कॉलनी परिसरातील वाईन शॉपच्या दुकानात कामाला होता. त्याच्या पश्‍चात पत्नी सीमा, मुलगा कृष्णा (वय १ वर्ष), दोन भाऊ दिनेश व महेश असा परिवार आहे.