आव्हाणे येथील हरिनाम सप्ताह रद्द
जळगाव : आव्हाणे येथील श्री विठ्ठल मंदिर संस्थान तर्फे गुढीपाडवा निमित्त आयोजित होणारा अखंड हरिनाम सप्ताह यंदा रद्द करण्यात आला आहे. गेल्या वर्षी देखील कोरोनामुळे हा सप्ताह रद्द करण्यात आला होता. तब्बल १०४ वर्षांची परंपरा असलेला हरिनाम सप्ताहाला कोरोनामुळे खंड पडला आहे.
खंडेराव नगरातील पाईपलाईनचे काम रखडले
जळगाव : शहरातील खंडेराव नगर रोड ते जिल्हा परिषद कॉलनीजवळ हरेकृष्ण मंदिराजवळ रास्तालागत पाईपलाईन चे काम गेल्या मागील एक दीड महिन्यापासून काम रखडलेले आहे. महानगरपालिकेने हे काम अपूर्ण सोडून तसेच राहू दिले आहे. हे काम पूर्ण करण्यात यावे यासाठी याबाबत या भागातील हर्षल सोनवणे, शाम सोनार, सतिश पाटील, चेतन बारी यांनी महापालिका आयुक्तांकडे तक्रार केली आहे.