ऑनलाइन लोकमत
भुसावळ(जळगाव), दि. 22 - शहरातील नामांकीत श्री संत गाडगेबाबा अभियांत्रिकी महाविद्यालयाच्या अॅकेडमीक डीनसह प्राध्यापकांमध्येच गुरुवारी दुपारी अडीच वाजता फ्री स्टाईल हाणामारी झाली़ या प्रकरणी उभयतांनी शहर पोलिसात परस्परविरोधी तक्रार दिल्यावरून अदखलपात्र गुन्ह्याची नोंद करण्यात आली़ या घटनेने शैक्षणिक वर्तुळात मोठी खळबळ उडाली आहे.
अॅकेडमीक डीन डॉ़राहुल बारजिभे यांनी तक्रार दिल्यावरून केतन के.पाटील, एस़बी़ बरकले, श्रीकांत चौधरी यांनी २२ रोजी दुपारी अडीच वाजेच्या सुमारास सुटीच्या दिवशी कामावर या अशी नोटीस का काढली या कारणावरून दारूच्या नशेत जाब विचारत शिवीगाळ करत चापटा-बुक्क्यांनी मारहाण केली तसेच पाहून घेऊ, अशी धमकी दिली, असे फिर्यादीत नमूद आहे. दुसरी तक्रार केतन केशव पाटील यांनी दिली. रविवारी सुटीचा दिवस असूनही कामावर या, अशी नोटीस का काढली हे विचारण्यासाठी बारजिभे यांच्या दालनात गेल्यानंतर त्यांनी शिवीगाळ करून दमदाटी केली, असे तक्रारीत नमूद आहे.