फोटो
जळगाव : फिरणाऱ्या गाईला धरून बांधायला गेलेल्या कमल सुरेश पाटील (वय ५५) या वृद्धेसह गाईला विजेचा धक्का लागल्याने त्यात दोघांचा मृत्यू झाल्याची घटना जोगलखोरी (ता. भुसावळ) येथे बुधवारी सकाळी घडली.
कमल पाटील यांची पाळीव गाय घराजवळ मोकळ्या जागी चरत होती. तिला पकडण्यासाठी कमल पाटील गेल्या असता, याच ठिकाणी असलेल्या विजेच्या खांबाला गाईचा तसेच कमल पाटील यांचा धक्का लागला. यात जोरदार विजेच्या धक्क्याने गाईचा तसेच कमल पाटील यांचा जागीच मृत्यू झाला. घटनेची माहिती मिळाल्यावर ग्रामस्थांनी घटनास्थळी गर्दी केली होती. घटनेनंतर कमल पाटील यांना जळगाव जिल्हा रुग्णालयात हलविण्यात आले. याठिकाणी त्यांना डॉक्टरांनी मृत घोषित केले. मृत कमल पाटील यांच्या पश्चात मुलगा गजानन सुरेश पाटील, सून शीतल, नातवंडे व तीन विवाहित मुली असा परिवार आहे. शवविच्छेदनानंतर मृतदेह नातेवाईकांच्या ताब्यात देण्यात आला.