नांदेड, ता. धरणगाव : सावखेडा, ता. अमळनेर येथे ग्रामपंचायत व एकलव्य भिल्ल समाजाकडून जागतिक आदिवासी दिन उत्साहात साजरा करण्यात आला. ग्रा.पं. कार्यालयात सरपंच हेमलता कदम, उपसरपंच लखन कदम यांच्यासह ग्रा.पं. सदस्यांनी वीर एकलव्य यांच्या प्रतिमेचे पूजन, माल्यार्पण करून अभिवादन केले. यावेळी ग्रामसेवक मनोज दहिवदकर, ग्रा. पं. सदस्य रवींद्रनाथ कदम, अनिल नेरकर, संजय भिल्ल, लीलाबाई पाटील, निकिता कदम, शोभा अहिरे, प्रतिभा सोनवणे, दिनेश कदम, कपिल सोनवणे, सागर मोरे, शाम कदम, रमेश सोनवणे, सुपडू अहिरे, कुणिका बयस उपस्थित होते. नंतर एकलव्य भिल्ल समाज बांधवाकडून वीर एकलव्य यांच्या प्रतिमेची गावात वाजतगाजत भव्य शोभायात्रा काढण्यात आली. यावेळी समाज बांधवांसह महिला वर्गाची देखील मोठ्या संख्येने उपस्थिती होती.
[ फोटो : ग्रा.पं. कार्यालयात अभिवादन करताना सरपंच हेमलता कदम, तर दुसऱ्या छायाचित्रात भिल्ल समाज बांधवांकडून एकलव्य यांच्या प्रतिमेची काढण्यात आलेली भव्य शोभायात्रा.]