भुसावळ,दि.5- शहरात काही दिवसांच्या अंतरानंतर पुन्हा दुचाकी जाळण्याचे प्रकार सुरू झाल्याने वाहनधारकांमध्ये तीव्र संतप्त भावना व्यक्त होत आह़े
शहरातील खडका रोडवरील लाल बिल्डींगजवळील रहिवासी श़ेउमर श़ेशब्बीर यांच्या मालकीची दुचाकी (एम़एच़19 सी़एऩ3166) अज्ञात आरोपींनी शुक्रवारी पहाटेच्या सुमारास जाळल्याने शहरात खळबळ उडाली़ या घटनेत 40 हजार रुपयांचे नुकसान झाले असून बाजारपेठ पोलिसात नोंद करण्यात आली आह़े
दरम्यान, शहरात गेल्या काही महिन्यांपासून दुचाकी तसेच चारचाकीला मध्यरात्री आग लावण्याचे प्रकार उघड झाले होत़े मनोविकृत इसमांकडून आगी लावल्या जात असल्याचा अंदाज आहे. मात्र पोलिसांकडून अद्यापही दोषींना पकडले जात नसल्याने नागरिकांमध्ये संतप्त भावना व्यक्त होत आह़े