भुसावळ,दि.14- डॉ.बाबासाहेब आंबेडकर यांच्या शतकोत्सव रौप्य महोत्सवी जन्माचा भुसावळातील डॉ.बाबासाहेब आंबेडकर यांच्या पुतळ्याजवळ गुरुवारी मध्यरात्री 12 वाजता मोठा जल्लोष करण्यात आला. या वेळी मोठय़ा प्रमाणावर फटाक्यांची आतषबाजी करण्यात आली. पुतळ्याजवळ बाबासाहेब यांना अभिवादन करण्यासाठी जनसागर उसळला होता.
प्रारंभी भुसावळ शहर सार्वजनिक जयंती उत्सव समितीचे अध्यक्ष संतोष बारसे यांच्या हस्ते डॉ.बाबासाहेब आंबेडकर यांच्या पुर्णाकृती पुतळ्याला पुष्पहार अर्पण करण्यात आला. त्यानंतर अभिवादन करण्यात आले. सामूहिक बुद्ध वंदना घेण्यात आली.
बाबासाहेबांना अभिवादन करण्यासाठी येणा:यांनी व्यसन करून येऊ नये, असे सांगत यावेळची जयंती वेगळी असल्याची भावना समितीचे अध्यक्ष संतोष बारसे यांनी मांडली़
दरम्यान, रात्री उशीरार्पयत डॉ.बाबासाहेब आंबेडकर यांच्या पुतळ्याजवळ जनसागर लोटलेला होता. शहराच्या विविध भागातून निळे ध्वज हातात घेऊन अनुयायी पुतळ्याजवळ येत होते. डॉ.बाबासाहेब यांचा पुतळा परीसर सुशोभीत करण्यात आला आहे. प्रसंगी पोलीस बंदोबस्त राखण्यात आला होता.