शालेय थाळीत केळी!

मुख्यमंत्र्यांची घोषणा : पोषण आहारात स्थान, उत्पादक आनंदले

जळगाव : केळीचा शालेय पोषण आहारात समावेश करण्यात आल्याची महत्त्वपूर्ण घोषणा मुख्यमंत्री देवेंद्र फडणवीस यांनी जैन हिल्स येथे शनिवारी दुपारी आयोजित पद्मश्री डॉ.आप्पासाहेब पवार आधुनिक कृषी उच्च-तंत्र पुरस्कार वितरण सोहळ्यात केली.

अध्यक्षस्थानी माजी केंद्रीय कृषिमंत्री व राष्ट्रवादी काँग्रेसचे अध्यक्ष शरद पवार होते. शाश्वत सिंचनासाठी जैन इरिगेशनने राज्याचा आराखडा तयार करावा, असे आवाहनही मुख्यमंत्र्यांनी केले.

त्यांच्या हस्ते विजय आत्माराम इंगळे -पाटील (चितलवाडी, ता.तेल्हारा, जि.अकोला) यांना या पुरस्काराचे वितरण झाले.

व्यासपीठावर जलसंपदामंत्री गिरीश महाजन, जैन इरिगेशनचे संस्थापक अध्यक्ष भवरलाल जैन, पुरस्कार प्राप्त विजय इंगळे पाटील व त्यांच्या प}ी जयश्री, खासदार रक्षा खडसे, कविवर्य ना.धों. महानोर आदी उपस्थित होते.

शेतक:यांनी रोखल्यावर घोषणा

मुख्यमंत्र्यांनी आपल्या भाषणात केळीचा उल्लेख न केल्याने उपस्थित शेतक:यांमध्ये चुळबुळ सुरू होती. मुख्यमंत्री भाषण संपवून आपल्या आसनाकडे जात असतानाच उपस्थित शेतक:यांनी केळीच्या विषयाचे काय? असा सवाल केला. त्यामुळे गोंधळ झाला. त्यामुळे मुख्यमंत्र्यांनी परत माईकचा ताबा घेत शालेय व अंगणवाडीच्या पोषण आहारात केळीच्या समावेशाचा निर्णय झाला असल्याची घोषणा केली.

शाश्वत सिंचन आराखडा हवा अनिल व अशोक जैन यांच्याशी बोललो. पूर्ण महाराष्ट्रात शाश्वत सिंचनासाठी जैन इरिगेशनने बृहतआराखडा तयार करावा. दक्षिणेतील आंब्यावर प्रक्रिया पाहून आश्चर्य वाटले. मग कोकणातील आंब्यावर प्रक्रिया करावी, अशी अपेक्षा मुख्यमंत्र्यांनी व्यक्त केली. कोकणातही हापूससाठी प्रकल्प सुरू करणार असल्याचे समजताच त्यांनी समाधान व्यक्त केले.