जळगाव : तू माझ्याकडे का पाहतो याचा जाब विचारताच नासीर शेख मुशीर याने शकिलाबानो शेख चिरागोद्दीन (५२) या महिलेच्या डोक्यात लोखंडी पाइप टाकून गंभीर दुखापत केल्याची घटना सोमवारी रात्री ९ वाजता शाहूनगरात घडली. याप्रकरणी परस्परविरोधी तक्रारीवरून मध्यरात्री जळगाव शहर पोलीस ठाण्यात दहा जणांविरुद्ध दंगलीचा गुन्हा दाखल करण्यात आलेला आहे.
शकिलाबानो शेख यांनी दिलेल्या फिर्यादीवरून नासीर शेख मुशीर हा शकिलाबानो यांच्याकडे पाहत होता. तू माझ्याकडे का पाहतो, असे त्याला विचारले असता त्याने डोक्यात लोखंडी पाइप मारला, तर कादीर, साजीद पुरण, मुल्ला इमरान व शाकीर पुरण यांनी चापटाबुक्क्यांनी मारहाण केली. या सर्वांविरुद्ध गुन्हा दाखल करण्यात आला आहे. तपास हवालदार राजेंद्र परदेशी करीत आहेत.
नाशीर खान बशीर याच्या फिर्यादीवरून चिराग सर, तौसिफ, अर्शद, बशीर, शोएब (सर्व रा. शाहूनगर) यांच्याविरुद्ध गुन्हा दाखल झाला आहे. फिर्यादीत म्हटल्यानुसार गटारीत कचरा टाकल्याच्या कारणावरून समोरील गटाने नासीरचा भाऊ साजीद खान याच्या कानावर धारदार शस्त्राने तसेच तलवारीने हल्ला केला, असे फिर्यादीत नमूद आहे. तपास उपनिरीक्षक जगदीश मोरे करीत आहेत.