जळगाव : अखिल भारतीय विद्यार्थी परिषद, महाराष्ट्र प्रदेश ५५ वे प्रदेश अधिवेशन नुकतेच पिंपरी चिंचवडमध्ये पार पडले. प्रदेश अधिवेशनामध्ये २०२१-२२ साठी अभाविप अध्यक्ष म्हणून प्रा.सारंग जोशी व प्रदेश मंत्री सिद्धेश्वर लटपटे यांची निवड करण्यात आली.
अभाविप महाराष्ट्र प्रदेश मंत्री सिद्धेश्वर लटपटे यांचे गुरुवारी सकाळी शहरात आगमन झाले. यावेळी जळगाव शाखेच्या वतीने ढोल ताशा, फटाके वाजवत फुलांचा वर्षाव करत स्वागत करण्यात आले. यावेळी महापौर भारती सोनवणे यांनी प्रदेश मंत्री सिद्धेश्वर लटपटे यांचे स्वागत केले. डॉ. बाबासाहेब आंबेडकर यांच्या स्मारकाला हार घालून रॅलीची सुरुवात करण्यात आली. या रॅलीची सांगता अभाविप कार्यालय नवीपेठ या ठिकाणी करण्यात आली. यावेळी नवनिर्वाचित महाराष्ट्र प्रदेश उपाध्यक्ष प्रा.मनीष जोशी, शोध कार्य प्रदेश प्रमुख प्रा. केतन नारखेडे, आयाम प्रदेश प्रमुख प्रा.भूषण राजपूत, विद्यार्थिनी कार्य प्रदेश प्रमुख प्रतिमा याज्ञीक , शुभम भोलाणे, आदेश पाटील, रितेश महाजन, केशव पाटील, गौरवी चौधरी, सारंग पाटील, हिमानी महाजन, राजू पावरा, ज्ञानेश्वर उद्देवाल उपस्थित होते.