शहरं
Join us  
Trending Stories
1
IND W vs PAK W "म्हारी छोरियां छोरो से कम है के.." हरमनप्रीत ब्रिगेडनंही पाकची जिरवली!
2
'अमेरिकेसोबत काही मुद्दे सोडवायला हवेत', ट्रेड डील आणि टॅरिफबाबत जयशंकर यांचे मोठे विधान
3
मुंबईतील राजकीय नेत्याच्या मुलाकडून अल्पवयीन मुलीवर अत्याचार, शौचालयात गाठले आणि...
4
IND vs AUS : बढती मिळताच अय्यरनं टीम इंडियाला जिंकून दिली ट्रॉफी; घरच्या मैदानात कांगारुंची शिकार
5
गाझातील सत्ता सोडण्यास नकार दिल्यास हमासची धुळधाण उडवू, डोनाल्ट ट्रम्प यांची ताकिद 
6
नेपाळमध्ये हाहाकार... मुसळधार पावसाचा कहर! आतापर्यंत 51 जणांचा मृत्यू; पंतप्रधान मोदींनी व्यक्त केलं दुःख, म्हणाले - भारत...!
7
Muneeba Ali Controversial Run Out : हुज्जत घालून पाक क्रिकेटच्या इज्जतीचा फालुदा; असं काय घडलं?
8
हिमालयात दार्जिलिंगपासून माऊंट एव्हरेस्टपर्यंत विध्वंस, ६० हून अधिक मृत्यू, कारण काय?
9
IND vs AUS : ३०० पारच्या लढाईत अभिषेक-तिलकनं तलवार केली म्यान; वादळी शतकासह प्रभसिमरन सिंगची हवा
10
'जेव्हा शिंदे CM आणि फडणवीस DCM होते तेव्हा...!', अमित शाह यांचं मोठं विधान; स्पष्टच बोलले
11
प्रवाशांनी भरलेली विरार ते पालघर रो-रो बोट जेट्टीवर अडकली; हायड्रॉलिक पाईप तुटल्याने मनस्ताप
12
"काटा मारुन पैसे जमा करता आणि..."; पूरग्रस्तांसाठी मदत न देण्यावरुन CM फडणवीसांचा साखर कारखान्यांना इशारा
13
’अमित शाह महाराष्ट्रात आले पण नुकसानग्रस्त शेतकऱ्यांना मदत देण्याबाबत शब्दही बोलले नाहीत’, काँग्रेसची टीका   
14
Irani Cup 2025: नागपूरच्या मैदानात फुल्ल राडा! यश धुलला तंबूत धाडल्यावर ठाकूर त्याच्या अंगावर धावला (VIDEO)
15
ऑटो कंपनीची 'कमाल', गुंतवणूकदारांना केलं मालामाल...! 1 वर्षात पैसा डबल; सोमवारी दिसणार चमत्कार?
16
जळालेल्या चार्जरमुळे सापडला दहशतवाद्यांना मदत करणारा युसूफ; पहलगाम हल्ल्याआधी चारवेळा भेटला
17
जीवघेण्या कफ सिरपचा कहर सुरूच, मध्य प्रदेशात आणखी २ मुलांचा मृत्यू, आतापर्यंत १६ जणांचा गेला बळी
18
IND vs PAK: टॉस वेळी पाकिस्तानी कॅप्टनची चिटिंग? ते हरमनप्रीतलाही नाही कळलं (VIDEO)
19
एक फोन कॉल अन्...! मामे भावाच्या प्रेमात 'पागल' झाली पत्नी, 'लव्ह अफेअरचा चक्कर'मध्ये पतीची निर्घृन हत्या केली! 
20
सयाजी शिंदेंचा मोठा निर्णय, 'सखाराम बाईंडर'च्या १० प्रयोगांचे मानधन पूरग्रस्त शेतकऱ्यांना देणार

आव्हाण्यात एकाच रात्री १२ घरफोड्या

By लोकमत न्यूज नेटवर्क | Updated: July 3, 2021 04:11 IST

जळगाव : आव्हाणे येथे गुरुवारी एकाच रात्री तब्बल १२ घरफोड्या झाल्या असून, या घरफोड्यांमधून लाखोंचा ऐवज लंपास झाला आहे. ...

जळगाव : आव्हाणे येथे गुरुवारी एकाच रात्री तब्बल १२ घरफोड्या झाल्या असून, या घरफोड्यांमधून लाखोंचा ऐवज लंपास झाला आहे. विशेष म्हणजे रहदारीचा भाग सोडून नवीन प्लॉट एरियांमध्येच या चोऱ्या झाल्या आहेत. चोरट्यांनी रेकी करीत बंद असलेले घरे टार्गेट केली आहे.

आव्हाणे येथे एकाच रात्री १२ घरांचे कुलूप तोडून लाखोंचा ऐवज चोरट्यांनी लंपास केला आहे. आव्हाणे गावात आतापर्यंत इतक्या मोठ्या प्रमाणात चोरीची घटना झाली नसल्याने ग्रामस्थांमध्ये भीतीचे वातावरण पसरले आहे. या सर्व घरांमध्ये जाऊन तालुका पोलीस स्टेशनच्या पथकाने जाऊन पंचनामे केले आहेत.

रेकी करूनच केली घरफोडी

या चोरीमध्ये गावातील नवीन प्लॉट एरियामधीलच घरे टार्गेट करण्यात आली आहेत. त्यात ही सर्व १२ घरे ही काही दिवसांपासून बंद होती. या घरांमधील सदस्य वेगवेगळ्या कारणांसाठी बाहेरगावाला गेलेले होते. त्यामुळे प्राथमिक तपासात चोरट्यांनी अनेक दिवसांपासून आव्हाणे गावात रेकी करून, आपले टार्गेट निवडल्याचे स्पष्ट होत आहेत. तसेच नवीन एरियातील कॉर्नरच्याच घरांमध्ये चोरी झाली असल्याचेही दिसून येत आहे.

सकाळी लक्षात आला प्रकार

चोरट्यांनी १२ घरांसह इतर घरांमध्ये देखील चोरी करण्याचा प्रयत्न केला. मात्र, त्या घरात रहिवासी असल्याने त्या घरांमध्ये चोरीचा प्रयत्न अयशस्वी ठरला. काही घरांच्या दरवाज्याचा कड्यादेखील चोरट्यांनी तोडल्या. कड्या तुटलेल्या घरांच्या सदस्यांना सकाळी हा प्रकार लक्षात आल्यानंतर नवीन प्लॉट एरियात एकच खळबळ उडाली. गुरुवारी रात्री गावात झालेल्या घरफोड्या या रात्री १ ते पहाटे ३ वाजेदरम्यानच झाल्याचा संशय आहे. नागरिकांनी इतर घरांमधील परिस्थिती पाहिल्यानंतर अनेक घरांचे दरवाज्यांचे कुलूप तुटल्याचे आढळून आल्यानंतर हा सर्व प्रकार सकाळी ७ वाजेदरम्यान उघडकीस आला.

या भागात झाल्या घरफोड्या पंढरीतात्या नगर, प्रताप जिभाऊ नगर, सरुआई नगर, खुबचंद साहित्या नगर व श्रीधर नगर या भागात या घरफोड्या झाल्या आहेत.

यांच्या घरात झाली चोरी

रमेश पाटील यांच्या घरातून ६० भार चांदीचे व २२ ग्रॅम सोन्याचे दागिने चोरीला गेले आहेत.

निंबदास पाटील यांच्या घरातून २३ हजार रुपयांची रोकड

दिलीप रामचंद्र चौधरी यांच्या घरातून २ हजारांची रोकड रक्कम

राहुल चौधरी यांच्या घरातून ३ हजार रोकड रक्कम

इंद्रकुमार बिहारी यांच्या घरातून ३ हजार रुपयांची रोक रकमेसह ९ ग्रॅम सोन्याचे दागिने चोरीला गेले आहेत.

भावलाल सपकाळे यांच्या घरातून २ हजारांची रोकड रक्कम चोरीला गेली आहे.

यांच्या व्यतिरिक्त इतर घरांमधून चोरट्यांना काहीही आढळून आले नसल्याने सामान अस्ताव्यस्त फेकून देत पसार झाले.

भंगार विक्रेत्यांवर संशय

गेल्या आठ दिवसांपासून गावात काही भंगार विक्रेते दाखल झाले होते. मात्र, दोन दिवसांपासून हे विक्रेते गायब झाले. या विक्रेत्यांनी केवळ नवीन प्लॉट एरियामध्ये फेरफटका मारल्याचा माहिती आव्हाणे येथील ग्रामस्थांनी दिली. याच भंगार विक्रेत्यांनीच रेकी करून, चोरी केल्याचा संशय ग्रामस्थांकडून व्यक्त केला जात आहे.

सरुआई नगरातील सर्व घरांच्या बाहेरून लावून घेतल्या कड्या

चोरट्यांनी सरुआई नगरातील एक घर फोडले, हे घर फोडण्याआधी चोरट्यांनी या गल्लीमधील इतर घरांच्या बाहेरून कड्या लावून घेतल्या होत्या. जेणेकरून कोणाला जाग आली तरी बाहेर येता येणार नाही म्हणून चोरट्यांनी दक्षता घेतल्याचे आढळून आले.

शेतात पाणी भरणारे असतील म्हणून केले दुर्लक्ष

रात्री २ वाजेच्या सुमारास खेडी रस्त्यालगत असलेल्या एका रहिवाश्याला काही जण दिसून आले. मात्र, शेतात पाणी भरायला जात असलेले कामगार किंवा वाळू उपसा करणारे कामगार असतील अशा शक्यतेने या चोरट्यांकडे दुर्लक्ष केले.

- रात्री १ ते ३ वाजेदरम्यान झाल्या घरफोड्या

- अनेक दिवसांपासून बंद असलेल्या घरांना केले टार्गेट

- रेकीनंतरच चोरी झाल्याचा पोलिसांचा अंदाज

- जुन्या गावाकडे दुर्लक्ष करून, नवीन प्लॉट एरियातच झाल्या घरफोड्या

- ५ ठिकाणी घरफोड्या झाल्या अयशस्वी

- पोलिसांनी केला पंचनामा, गावाबाहेरचीच टोळी असल्याचा संशय