नियमबाह्य वाळू उत्खननाकडे महसूलची डोळेझाक का ?

तळणी : मंठा तालुक्यातील वझर सरकटे येथील पूर्णा नदीपात्रातील वाळूघाटातून नियमबाह्य वाळूचे उत्खनन सुरू आहे. विषेश म्हणजे, या ठिकाणाहून वाळू उत्खनन करताना संबंधित गुत्तेदार शासनाच्या नियमांची पायमल्ली करीत आहे. मात्र, महसूलचे अधिकारी व कर्मचारी याकडे डोळेझाक करीत आहे.

वझर सरकटे या वाळूघाटाच्या लिलावानंतर संबंधित गुत्तेदाराला वाळू उत्खननासाठी महसूलने १२ जानेवारी रोजी ताबा दिला. यात गट क्रं. २०७, २१० व २१४ मधून ४०० मीटर लांबी, २५ मीटर रुंदी व १ मीटर खोली इतक्या क्षेत्रातून ३ हजार ५३३ ब्रास वाळू उत्खननाची परवानगी दिलेली आहे. मात्र, सिंदखेडाराजा तालुक्यातील झोंटिगा येथील गुत्तेदार शासनाने ठरवून क्षेत्राबाहेरून व क्षमतेपेक्षा जास्त वाळू उत्खनन करीत आहे. वाळूघाटावर एक ब्रास राॅयल्टीवर दोन ब्रास, दोन ब्रास राॅयल्टीवर चार ब्रास, चार ब्रास राॅयल्टीवर सहा ब्रास वाळूची वाहतूक करीत आहे. विनातारीख राॅयल्टी पावत्या देऊन महिनाभर त्याच राॅयल्टीवर वाळू वाहतूक सुरू आहे. एका राॅयल्टीसाठी ४ हजार ५०० रुपये वाहनधारकांना मोजावे लागतात. त्यानंतर त्याच राॅयल्टीवर फक्त ३ हजार रुपये घेतले जातात. वाहनांची संख्या वाढल्यानंतर जेसीबी व पोकलॅडने वाळू उत्खनन करुन वाहने भरुन दिली जातात, असे वाळू भरणाऱ्या मजुरांनी सांगितले. या वाळूघाटावरील सीसीटीव्ही नावालाच आहे. यासंदर्भात परतूरचे उपविभागीय अधिकारी भाऊसाहेब जाधव म्हणाले, मंठ्याच्या तहसीलदार सुमन मोरे यांना चौकशी करून कारवाईच्या सूचना दिलेल्या आहेत.

लिलाव न झालेल्या ठिकाणाहून उत्खनन सुरू

महसूल विभागाने देवठाणा- उस्वद, वझर सरकटे, उस्वद- कानडी, कानडी- लिंबखेडा या चार वाळूघाटांतून वाळू उत्खननाची परवानगी दिली आहे. मात्र, सासखेडा, दूधा, वाघाळा, किर्ला, पोखरी केंधळे व भूवन येथे वाळू उत्खननाची परवानगी दिली नसताही अवैध वाळू उपसा सुरू आहे.

===Photopath===

200221\20jan_22_20022021_15.jpg~200221\20jan_23_20022021_15.jpg

===Caption===

पुर्णा नदीतील वाळूघाटावर चक्क जेसीबीने वाळू उत्खनन करुन वाहने भरली जात आहे. ~वझर सरकटे येथील वाळूघाटावर राॅयल्टीवर तारीख न लिहिता एकाच राॅयल्टीवर महिनाभर वाळू वाहतुकीची मुभा देणात आली आहे.