पाण्याची मोटार चोरी; गुन्हा दाखल
जालना : शेतात असलेली २२ हजार ७७० रुपयांची ५ एचपीची पाण्याची मोटार चोरी गेल्याची घटना परतूर तालुक्यातील चिंचोली येथे २४ एप्रिल रोजी उघडकीस आली. याप्रकरणी गोविंद मदनराव चव्हाण (२८) यांच्या फिर्यादीवरून परतूर पोलीस ठाण्यात गुन्हा दाखल करण्यात आला आहे.
अवैधरीत्या वाळूची वाहतूक करणारा ट्रॅक्टर पकडला
जालना : अवैधरीत्या वाळूची वाहतूक करून विक्री करणाऱ्यास ट्रॅक्टरसह पोलिसांनी ताब्यात घेतल्याची घटना २६ एप्रिल २०२१ अंबड तालुक्यातील रुई शिवारातील मुसा भद्रायणी नदीपात्रात घडली. पांडुरंग शेषराव काळबांडे असे संशयिताचे नाव आहे. त्याच्याकडून ६ लाखांच्या ट्रॅक्टरसह वाळू जप्त करण्यात आली. याप्रकरणी अंकुश दासर यांच्या फिर्यादीवरून पांडुरंग शेषराव काळबांडे यांच्याविरुद्ध गोंदी पोलीस ठाण्यात गुन्हा दाखल करण्यात आला. पुढील तपास पोहेकॉ. दासर करीत आहेत.