अंबड : अंबड तालुक्यातील रामनगरतांडा येथे दादासाहेब पाटील कृषी महाविद्यालय, दहेगाव येथील कृषिदूत अमित अरुण खोजे याने ग्रामीण जागरूकता कार्यानुभव कार्यक्रम अंतर्गत कृषी समर्पण मोबाईल ॲपबदल माहिती दिली. यावेळी त्याने शेतीसंबंधी कामी येणारे व माहिती देणारे कृषी समर्पण ॲप कसे वापरावे, याबाबत शेतकऱ्यांना माहिती दिली.
याप्रसंगी डॉ. एस. एस. बैनाडे, उपप्राचार्य डॉ. बी. एम. जोशी, कार्यक्रम अधिकारी डॉ. व्ही. बी. शिंदे, समन्वयक प्रा. ए. आर. पगार, टी. बी. जगताप, एस. व्ही. शिंदे, के. ए. रेवाळे हे उपस्थित होते.
शरद भुतेकर तालुकाध्यक्षपदी
लोकमत न्यूज नेटवर्क
जालना : तालुक्यातील माळी पिंपळगाव येथील शरद भुतेकर यांची शेतकरी मराठा महासंघाच्या जालना तालुकाध्यक्षपदी निवड करण्यात आली. अखिल भारतीय मराठा महासंघाचे जिल्हाध्यक्ष अरविंद देशमुख आणि जिल्हा उपाध्यक्ष सुभाष चव्हाण यांनी ही नियुक्ती केली आहे. त्यांना नुकतेच नियुक्तिपत्र देण्यात आले आहे. आपण शेतकऱ्यांचे प्रश्न सोडविण्यासाठी प्रयत्न करणार असल्याचे भुतेकर यांनी सांगितले. या निवडीचे सर्वस्तरातून स्वागत होत आहे.
भोकरदन येथे मुख्याधिकाऱ्यांचा सत्कार
भोकरदन : नगरपरिषदेच्या मुख्याधिकारीपदी संतोष वाघमारे यांची बदली झाली असून, त्यांनी गुरुवारी पदभार स्वीकारला. त्यांचा जिल्हा काँग्रेसचे अध्यक्ष राजाभाऊ देशमुख यांच्या हस्ते सत्कार करण्यात आला आहे. याप्रसंगी जिल्हा काँग्रेसचे अध्यक्ष राजाभाऊ देशमुख, उपनगराध्यक्ष इरफान सिद्दीकी, शेख रिजवान, रमेश जाधव, आदींची उपस्थिती होती.